يومياتي ( 2)

مش عارف الصراحه ايه اللي بيحصل بس شكلي كده هكمل يومياتي مع اني والله كنت

ناوي اعملها حلقه واحدة بس استحملوني المرة دي 0

المهم زي المرة اللي فاتت كنت رايح مكتبه مبارك برضه روحت ونفس السيناريو المكرر

كل يوم روحنا وفضلنا قاعدين لغايه الساعه اتنين ونفس الصوت الرخيم قال يلا علشان

هنقفل المكتبة انا طبعا بقيت بستني الصوت ده وكاني رايح المكتبه مش بمزاجي وبفرح

قوي زي مكون في سجن او مثلا او زي مكون في مدرسة ومستني الجرس يضرب 0

خرجت وفضلت امشي مع صاحبي شويه كده لغايه مازهقنا قلنا نروح بقي ولان المكتبه

قريبه شويه من بيت صاحبي هو بيروح مشي انا بقي كنت واقف مستني تاكسي وهو

اصر اني اركب ميكروبات سوووووووووري ميكروباص انا ققوله مش ركبته قبل كده

الا مره او مرتين في حياتي وهو يتريق عليا ومصر اني اركب الميكروبات يووووووووه

برضه الميكروباص وافقته بس الصراحة وافقت قولت منها اجرب اركبه ولاني مش

لاقي تاكسي اصلا

ههههههههه

بس زهقته وانا بركب لاني عايز مكروباص فاضي الصراحة مش كنت متصور اني اركب

في المكروباص اللي كل الناس فيه واقفه فوق بعضها

مش عارف ازاي بجد بس لقينا بعد ربع ساعه مكروباص نص فاضي وصاحبي ركبني

ماصدق وقعد يتريق عليا ويقول للراجل خلي بالك منه

بس عااااااااادي المهم اني ركبت اخيرا وانا قاعد مش مصدق اني ركبت لقيت الراجل بتاع

الميكروباص قاعد يعاكس في البنات اللي في المكروباص واللي لسه بتركب وحتي اللي

في الشارع طبعا فيه بنات مش اهتمت وفيه بنات ضحكت معاه عاااااادي ولا كان فيه

حياااء ولادم !!!!!!

المهم في الموضوع ان مش فيه حد من الرجاله كان عنده نخوه وحاول يكلمه والراجل

عااااااادي لغايه ما كان فيه بنت فضلت ساكته وهي رايحة تنزل

هزقته قالتله انت مش عندك دم وتقرف الكلب مش حتي يقرف البني ادم بس المشكله ان

البنت قالت الفاظ مش كنت اتوقع ان فيه بنت مهما حصل تقولها كلام لو شوفت ولد

بيقوله اقول عليه انه مش متربي وانه بايض واي حاجه حد عاوز يقولها لقيت الكلام ده

طالع من بنت طبعا اتخضيت ومش صدقت نفسي والبنت نزلت وعاااااادي الراجل ولا

هو هنا ولا كان فيه حاجه حصلت كمل معاكسه لغايه ما اخيرا واحد من اللي

قاعدين في الميكروبات ده شتمه وقاله انت مش عندك دم واتهزات وبرده مش بتحس

انت ايه وقعد يزعق فيه والراجل ال....... قعد يضحك

ولا همه انا بقي نزلت من الميكروبات ده ونويت مش اركب اي ميكروباتات تاني

وياااااارب يعيني

بس سؤال

ازاي الراجل مش كان عنده دم بالشكل ده والبنت تهزقه والراجل الكبير وهو بيضحك ؟

مين السبب في ان البنت اللي المفروض انها من ارق الكائنات وكده تطلع الفاظ زي دي

ولا تعرفها اصلا ؟

مين السبب في ان معظم البنات اما تتعاكس تضحك زي متكون عاوزه تتعاكس تاني ؟

انا بجد اتكسفت للراجل ده وللبنت صحيح الراجل غلط بس مش ده يكون الرد
!!!!!!!!!