CLICK HERE FOR BLOGGER TEMPLATES AND MYSPACE LAYOUTS »

الخميس، 31 يوليو 2008

يومياتي



اولا الف مبروك لاختي علشان هي اخيرا دخلت طب صحيح غبيه شويه ومش رضت


تدخل طب بشري وراحت طب اسنان بس كله عارف انها مش ذكيه زيي عادي يعني

ههههههههههه

علي العموم كنت رايح الصبح مكتبه بابا ( بابا مبارك طبعا ) زي كل يوم صحيح هي


مكتبه مش ليها اي لازمه بمعني ان الكتب اللي فيها معظمها ممكن تشوفها كلها في


ساعه او اقل مش لانها قليله بس لانها هايفه ومش ليها اي لازمه كل الكتب هناك مش


ليها اي لازمه الا كتاب عن انجازات ماما سوزان عجبني جداااااااااا هههههههههههه


وكمان الولد اللي بيجي المكتبه يسمع اغاني كل اما اروح اشوفه قاعد مشغل اغاني علي


الموبايل وحاطط رجل علي رجل وانا طبعا مش عارف اركز من صوت الاغنيه
ههههههههههه

فبحاول ققعد احاول افهم اللي انا بقراه وخلاص كل يوم اروح ققعد من الساعه حداشر كده


للساعه اتنين مع واحد صاحبي المهم كنا قاعدين عادي خالص وفجاه وبدون اي مناسبه


وفي حين كل الناس قاعده باصه في اللي قدامها لقينا اعلان في الميكروفون والست


عماله تزعق وتقول محدش من الموظفين يمشي الا اما يتسمحلهم وان دي اوامر


المحافظه وعاااادي خالص ومش حد فارق معاه اول ما الاعلان خلص الناس رجعت تاني


تركز في الكتب اللي قدامها ومفيش بعد خمس دقايق لقينا الاعلان بيتكرر تاني وفضلت


الناس مش عارفه تركز لغايه ما اخيرا خلضوا الاعلان لقيناهم ادنوا الظهر وسبحان الله


الاذان اتكرر مرتين شوف علشان تعرفوا بس ان البلد مهتمه بالعبادات كل الناس راحت


تصلي ورجعت قرانا اللي كان قدامنا وطبعا مش عرفنا نخلصه وساعتها افتكرت انهم


كانوا سمعونا قبل كده اغنيه عن النجاح بعد نتيجه الثانويه باسبوعين ولا حاجه يعني

علبال ما المعلومه وصلت ليهم وعرفوا ان النتيجه طلعت هههههههههه ما علينا الساعه


بقت اتنين ولقينا نفس الصوت اللي بيقول خلاص هنقفل الساعه بقت اتنين ولا كان احنا


قاعدين في سوبر ماركت خرجت انا وصاحبي واتمشينا شويه قعدنا نتكلم واحنا ماشيين


حصلت حادثه واحد عادي ماشي بموتسيكل لقينا واحد تاني خبط في ظهر الموتسيكل


طبعا المفروض ان اللي اتخبط كان غلطان وان الشيخ اللي راكب الموتسيكل كان ماشي


عادي بس ولان شرطي المرور كان قاعد سرحان لقيناه قاعد يزعق للشيخ


الشيخ قعد يحاول يفهمه ان الراجل هو اللي غلطان وان الراجل مخبوط ولازم يروح


المستشفي ولكن العسكري ولا هو هنا ولقينا فجاه واحد دخل في الموضوع بيقول انه


صحفي مع ان شكله مش يجيب جرنان حتي بس ماعلينا قعد يشد في العسكري ويقوله


سيبه يروح معاه المستشفي وحطوا الراجل في تاكسي بس التاكسي مش رضي وقال انا


مش هروح الا اذا كان معايا رخصه اللي سايق الموتسيكل وطبعا ولان الصحفي قعد يشد


في العسكري كان الموتسيكل واللي عليه مشي وبقي علي اول الشارع ولان الراجل كان


عنده ضمير وذمه مش فضل مستني علي اول الشارع علشان يودي المصاب المستشفي


والعسكري ولا هنا قاعد يكلم سواق التاكسي والصحفي اتغير وراح لصاحب الموتسيكل


وقعد يشد فيه واخد مفاتيح الموتسيكل مع انه لو فكر كان هيعرف ان بتاع الموتسيكل كان

يقدر يهرب من زمااااااان والصحفي الجهبز لخد المفاتيح مع ان الموتسيكل شغال ساعتها


الشيخ سابه ومشي بالموتسيكل وسابلهم الراجل المصاب وبالصدفه كانت هناك عربيه


اسعاف ماشيه في الشارع بس مش رضت تاخد الراجل الا اما تاخد الرخصه بتاعت اللي


خبطه ولانه كان مشي العربيه مشت وسابت الراجل مرمي علي الارض والصحفي رجع


فرحان جدا لانه اخد الماتيح و واما العسكري قاله ان هو السبب في ان الراجل يهرب قاله


لولا اني صحفي مش كنت جبت المفاتيح ؟؟؟؟؟؟؟؟؟؟ ايه علاقه الصحافه بالمفاتيح يمكن


لانها مفتاح لقلب اي قارء ههههههههههههه ده لو هو اصلا صحفي المهم الصحفي


المحترم قعد يشتم في البلد ويقول بلد بنت 0000000


ومشي المهم جيت اشوف المصاب لقيت الراجل دقنه مفتوحه والناس مقعدينه وفجاه


لقينا الشيخ بتاع الموتسيكل راجع تاني بس من غير الموتسيكل و لقينا واحد بيضرب فيه


ويقوله هات البطاقه ويقوله انا جاي اوديه مستشفي لان دي روح والمصاب يقوله مش


تضربه مش ليك دعوه علي ماسابه اخيرا والراجل خلي المصاب وخلاه يسند عليه ولقيت


العسكري بيقول هم كده اي واحد مربي دقنه ولابسلي جلابيه وعامل فيها شيخ لازم يبقي


ابن 00000 وابن 000000000 وكانه عاوز كل الناس تسقط البنطلون وتمشي علشان


مش تبقي ابن000000000


واللي يضحك في الموضوع ده كله انه طلع فيه مستشفي اسمها تبارك جنبنا بالظبط


ومش حد واخد باله والشيخ ودي الراجل المستشفي ودفع الفلوس ليه والراجل خيط دقنه


وعااااااااااااااااادي

اخدت صحبي وروحنا ولا كان حاجه حصلت !!!!
وبحب اهدي الكلام ده ليومياتي
:d








السبت، 26 يوليو 2008

تاااااااااااااااااااااااااااااااج

اختكم في الله مررت لي التاج ده وده اول تاج ليا وشكله هيكون الاخير ( ده الواحد لازم يعصر دماغه قبل ما يجاوب )
علي العموم ربنا يسامح اللي في دماغي
ههههههههههههههههههه
التااااااااااااااااااااااااااج

أعطيتك ثلاث وردات .. من هم الثلاث أشخاص اللى هتهديهم الورد اللى معاك ؟؟
اول ورده لبابا وماما 00 الورده التانيه لمدرستي في الرياضيات بجد تعبتها
كتيييييييييييير معايا السنه اللي فاتت ولسه السنادي 000 تالت ورده اديها لكل اصحابي
خاصه المدونين اللي بعتبرهم عائلتي وبحبهم كتييييييييير0
لو أعطيتك ورقة بيها 3 سطور فقط و قلت لك أكتب فيهم اللى أنت عايزه هتكتب إيه ؟؟
- يا رب الامه تستيقظ من السبات العميق اللي هي عايشاه 00
-ياااااااااارب اكون في الجنه00

-واخر حاجه اني بشكر كل المدونين وبتمني ان كل اصدقائي وعائلتي سامحوني لو كنت زعلت حد منهم لاني اما اتعصب ممكن ازعل حد من غير مقصد وان شاء الله هحاول اغير في نفسي00
ما هو هدفك فى الحياة ؟
هدفي في الحياه هو هدف اي انسان مسلم نفسي في رضا ربنا ودخول الفردوس الاعلي
"إن شاء الله بكرة هيكون أحسن من النهاردة "هل تصدق هذه المقولة ولماذا !!
ممممممممممممممم
مصدقها طبعا
ليييييييييييه لأ لاني لو مش مصدقها يبقي مش ليه لازمه كل اللي بحاول اعمله وكل الناس اللي بتحاول تغير يبقي مش بتعمل حاجه لو مش مصدقها يبقي لازم استسلم افضل
أجمل مقولة سمعتها فى حياتك ؟؟
لا اله الا الله
من المغنى اللى بتحبه أوى ؟؟
فيروز
و إيه أحلى أغنية بتحبها ؟؟
لبيك اسلام البطولة

غزة " تمثل لك إيه فى حياتك ؟؟
غزه هي مثال للمقاومه والثبات وعدم الخضوع
بتنفذ معني التوكل علي الله مع اخد الاحتياط المناسب و بتنفذ معني الايه ( واعدوا لهم ما استطعتم من قوه ومن رباط لخيل ) وسكانها افضل مثال للمؤمن الواثق من الله فهنيئا لابناء غزه

أعطى لإنتمائك لوطنك درجة من مائة ؟؟
95%
صحيح كنت بشجع كوت ديفوار وهي بتلاعب مصر وكان نفسي مصر تخسر والله
ههههههههههههههه
بس مصر مازالت هي الوطن الذي يجب ان يكون انتمائي له 100% علشان كده هحاول ازود من معدل وطنيتي بس ادعولي


لو تزوجت و أنجبت بنتين و ولدين أى الأسماء تختار لهم ؟؟
الاولاد : وسام و محمد
البنات :ايه وحنين

عمرك غشيت في امتحان وانت صغير؟؟

الحمد لله لا
بس الصراحه وانا صغير حاولت بس مش كنت بعرف لاني كنت بخاف وبتكسف اغش وكنت بفكر ايه اللي ممكن يحصل لو المراقب شافني والناس عرفت اني بغش
هههههههههههه

لو أتعرض عليك رشوة كبيرة و انت فى زنقة مالية هتعمل إيه؟؟
مش اعتقد اني هقبلها
ويااااااااارب يثبتني في اي موقف مشابه
قول 3 صفات ب 3 كلمات بس توصف بيهم شخصيتك؟؟
هادئ جدا للي لسه عارفني ولكن مش هادي خالص للي يعرفني من زمان 000 عصبي جدا وبتنرفز بسرعة00 حالم

صفة عايزها في شريك حياتك
العفه هي اهم صفه

ايه المجال اللى غير دراستك وشايف نفسك فيه قوي ؟؟
التدريييييييييييس لاني كنت بشرح الرياضه لاخواتي وحتي استاذتي بتاعه الدرس كانت بتخليني اصحح واشرح لتلاميذ عندها سعااااااااااااات بس شكلهم كلهم مش نجحوا
ههههههههههههههه

بتحب السفر ؟؟
حسب المكان اللي مسافر فيه وهل فيه ناس ممكن اتصاحب عليهم حد العب معاه اتكلم معه بس غالبا بفضل الاستقرار

طب دلوقتى حالا ايه المكان اللى نفسك تكون فيه ؟؟
المدينه النوره
تمرر التاج ده لمين ؟؟
صوت الحرية.. ملائكيه ..رد الي روحي..مصر في خطر..لا للسكوت..صورة ساخرة..نبض قلب..قلم حالم .. بنت الحرية..عالم جيجي الصغير..حبيبة الرحمن.. القلم الجريح..انا مسلمة.. مش هسكت..دعوة للامل.. ابو نضارة..استرها يارب.. اوتار مدونة تبع مزاج صاحبتها سياسية دينية اجتماعية بين قوسين كل حاجة.. بذرة امل..appyplanet..Angel love..magic of romance
مش هبقي جيلي..عاشقة النقاب..عصفور في الاسر..نبضات قلب..وتدور000الساقية..من قلبي..عايشة للاصلاح..الستة بتوع صيدلة..حكايات 8 بنانيت..كلام وفش غليل..في حبك انت000 لاوالف لا..الباحث عن الحقيقة..اسامه جمال.. زهرة البيلسان.......

ياااااااااااااااااااااااااه اخيرا خلصت

يااااااااااااارب اكون مش نسيت حد



الثلاثاء، 22 يوليو 2008

الديمقراطية







الديمقراطيه في مصر كلنا عارفينها وكلنا حاسيين بيها و كلنا واخدين بالنا ان مصر

في ازهي عصور الديمقراطيه طبعا ده هو كلام سياده الرئيس وهو مش بيكدب (حد يقدر

يقول حاجه غير كده ) هههههههههه و بما ان ده كلام كلنا عارفينه انا مش هتكلم عن

الموضوع كتير انا هحكي قصه حصلتلي شخصيا وانتم هتصدقوا مدي الديمقراطيه اللي

احنا عايشين فيها وكمان هتبوسوا ايدكوا وش وظهر اننا عندنا رئيس بالديمقراطيه دي .




علي العموم طبعا وبما ان البلد مليانه ملاعب زي اي بلد محترمه علشان الاطفال زيي لو

عازوا يلعبوا كوره مثلا بس ولاني طفل مخرب وبحب العب في الشارع نزلت يوم علشان















العب كوره مع شويه اطفال زيي في الشارع المهم من وقاحتنا كنا بنلعب قدام بيت ظابط


امن دوله لغايه دلوقتي مش مصدق انه عايش في بيت زي بقيت البيوت بس مش لازم


بس اللي اغرب ان اولاده برضوا كانوا بيلعبوا في الشارع زي بقيت الناس !!!!!

عندي سؤال برئ هو ليه مش يعمل لولاده ملعب من حقهم برضه لان الوالد الكريم بيسهر
علي راحه الشعب ?

المهم اولاده كانوا عايزين يمشونا مش عارف ليه بس ده جاه في مزاجهم يمكن علشان

مش قد المقام ومش نستحق نلعب قدام بيت سيادتهم علشان كده راحوا اشتكوا لوالدهم

الظابط المصون طلع وقال لنا مش عايز حد منكم يلعب قدام البيت ولاننا مش بنفهم عملنا

معاهده سلام مع اولاده وكملنا لعب بس ده مش عجبه وبعد شويه نزل وقال لنا مش

انا قولت محدش يلعب هنا وحاولنا نتفاهم معاه ونسأله عن السبب ونقوله علي معاهده

السلام بس ولا هو هنا مش مهم بس قالنا كلمه وهي كلمه بصراحه بتعبر عن كل معاني


الديمقراطيه اللي مصر عايشاها قالي اما ظابط امن دوله يقولك حاجه تنفذها فورا ومن


غبائي حاولت اسال عن السبب رد بجمله اكثر تعبيرا وقالي انا لو اخدتك ابوك مش


هيعرف مكانك ولا حد هيعرف يجيبك مني واتبعها بسؤال ظريف هو ابوك معلمكاش ازاي

تحترم الكبير وتسمع كلامه طبعا السؤال ده كسفني جدا وكان نفسي اعبر عن مدي اسفي









وساعتها عرفت معني الديمقراطيه في مصر بجد0


ملحوظه : ابن اخوه حاول يفهمه اننا مش غلطانين واننا مش عملنا حاجه بس هو كان



هيقوم يلطشه قدامنا وقاله نصيحه مفييييييييييييييده بعد كده نقي اصحابك كويس قبل ما

تتكلم مع حد 0


وفي الاخر بص لينا وكاننا شرذمه ( حلوه شرذمه دي مع اني مش فاهم معناها )

هههههههههه وركب العربيه ومشي مع الف سلامه
































الجمعة، 18 يوليو 2008

الصداقه





هدخل في الموضوع علي طول الصداقه من اهم الاشياء في حياه الانسان وقلما يحصل
الانسان الان علي صديق صالح مخلص واللي خلاني اكتب الموضوع هو الصراحه قصه
حصلتلي وافتكرتها دلوقتي المهم ايااااااااام زمان (من وانا في ربعه ابتدائي كده يعني
من ست سنين كده) كنا ثلاث اصدقاء كنا بنحب بعضنا لدرجه كبيره بيجمعنا صداقه ابائنا
وصداقه امهاتنا والسن واننا لنا هوايات مشتركه كتييييير وكمان
ان بيوتنا قريبه من بعض يعني كل شيئ تقريبا كنا اي حد عايز
يعمل حاجه لازم يعملها في وجود التلاته من الاخر علشان
مطولش كانت صداقه حقيقيه من غير مصالح وكان كل الناس بتشهد لينا بتلك الصداقه
الرائعه و استمرت تلك الصداقه الثلاثيه حتي وصولنا الي اولي ثانوي وساعتها حصلت
حاجه مكنتش متوقعها ابدا ولاحد منا كان متوقعها وهي ان واحد مننا هينقل ويروح بعيد
وساعتها اتخضيت وحسيت ان صداقتنا هتقل ببعد المسافه ولاننا معدناش هنشوف بعض
الا كل فين وفين واللي زود الامر ان المكان اللي هو نقل فيه مينفعش يدخل فيه تليفون
كنت يدوب بسال عليه مش بقابله الا نادرا بينما احسست ان صداقتي سوف تستمر مع
الصديق الاخر ولكن وبعد ذلك بعده شهور حدث مالم اكن اتوقعه وهو ان صداقتي معه
بدات في البعد شيئ فشيئ و اصبحت لا اراه الا قليلا في حين اصبحت اري صديقي الاول
بكثره وكنت اتقابل معه بشكل شبه يومي والان انا اتقابل مع ذلك الصديق الذي ياتي الي
من بعيد كل يوم واحكي له عن اسراري ولذلك فاني اقول له اني احبك في الله يا000000
واتمني ان تستمر صداقتنا الي الابد ولانه لاغني عن الصديق لذا علي كل انسان ان
يتمسك بصديقه لاخر لحظه لذا شكرا لك صديقي العزيز
وهقولها كمان مره (لانها مش بفلوس)
صديقي اني احبك في الله

الثلاثاء، 15 يوليو 2008

Finally






















كتير جدا من الناس كانوا مستنين النتيجه وكل يوم يفكروا فيها والحمد لله بالنسبه ليا فانا


خدت علي قد عملي ولاني عارف اني مش عملت كل اللي عليا واني ضيعت وقت كتير حتي


في ايام الامتحانات ولان الله لا يضيع اجر من احسن عملا فانني لم احصل علي ما تمناه


اهلي ولكن ما تمنيته انا حصلت عليه وحصلت علي مجموع متوسط سوف ابذل جهدي السنه


القادمه ان شاء الله لأحصل علي افضل منه لارضي غروري بدخول كليه الهندسه بس


ادعولي ولكني وبصدق لم احزن علي نقصان اي درجه لاني اعلم انني هاخد علي قد عملي


وكنت متوكل علي الله ومش هاممني النتيجه الا في ماده الرياضيات التي


كانت تمثل لي كل شيء طوال العام وكنت حريصا علي الحصول علي اعلي الدرجات فيها ولكن الحمد لله


وعلي العموم انا كنت متوقع هذه الدرجه وكنت قايل اني عايز مقلش عنها ولكن اللي ادهشني


صراحه هو نتايج اصحابي فمن كنت انتظر ان يحصل علي ( 98 او99 ) وجدت انه حصل


علي درجه مثلي وليس صديق واحد فقط ولكن اكثر من صديق بالرغم من ان انا عارف انهم


عملوا اللي عليهم واريد ان اسال مجرد سؤال سؤال بريء ( لمصلحه مين يكون فيه
امتحانات في مواد اجباريه علي طلاب ادبي ومع ذلك تكون صعبه )

ملاحظه انا علمي والله بس زعلت للناس اصدقائي اللي كانوا في ادبي وكل احلامهم اتغيرت بسبب ماده مش بيحبوها


علي كل مبروك للناجحين وان شاء الله من نجاح الي نجاح وكل من تعثر ولم يحصل علي



ما أراده فعسي ان تكرهوا شيء وهو خير لكم وعليه ان يحسن الظن بالله فالله يعلم وانتم لا
تعلمون



وانا شاكر لكل من دعا لي في هذه الفتره ولكل اساتذتي خاصة استاذتي في ماده الرياضيات



( طبعا بحب الماده ولازم اجامل استاذتها وكمان لاني هاخد عندها السنه اللي جايه ان شاء
الله فلازم ارضيها)



واتمني من الله التوفيق للجميع


(نصيحه محدش يقول مبارك للناجحين مشيها مبروك المرادي لحسن الدعاء يقلب بجد
والعواقب معروفه ومعلش للغه المره دي جينا عليها )

الأحد، 13 يوليو 2008





بصراحه مكنتش ناوي اكتب النهارده مكنتش عاوز
اكتب كل شويه كده بس يلا غصبن عني


الصراحه كان بدايه اليوم عاديه صحيت فتحت
الاميل اتكلمت فضلت قاعد

كالعاده لغايه مالظهر ادن نزلت اصلي قولت اما
اتمشي واشتري الدستور

بدل مشوفها علي النت و مجتش علي الجنيه ده
فتحتها وقريت اول صفحه كالعاده بس


لسه بقلب الصفحه لقيت اللي خضني وساعتها حسيت بحجم المصيبه اللي عايشين فيها


وحسيت ان مصر مش في خطر وبس دحنا بقينا احنا الخطر نفسه

قريت ان احد الخطباء في الفيوم اتقتل وهو ساجد في المسجد الصراحه احتجت وقت

علشان افوق من الصدمه وقعدت اسال نفسي ازاي البلد وصلت للدرجه دي هو ايه اللي

حصل هو احنا فين مش دي مصر اللي بناخد في التاريخ انها قلب

العروبه وملتقي الديانات ومهد اللغه امال ايه اللي حصل زي منكون عايشين في دوله

غير دولتنا طب ازاي واحد يقتل حد وهو بين يد الله فين الخشيه من الله فين الرهبه من

المنتقم الجبار للدرجه دي الشعب بقي مش عارف دينه مش هامه ربه

بقي القتل بالسهوله دي وبقي القتل في مسجد لامام المسجد وهو ساجد بين يدي الله ( انا

لله وانا اليه راجعون ) في هذه الامه التي تحتاج لمجهود كبير حتي تعود الي زمن

الانتصارات وزمن السياده عوضا عن الذل والاستعباد والادهي اني عندما اري
المسئول عن هذا الفساد وهو مستمتع بالحياه ولا يتذكر انه مسئول عن كل قطره

من دماء الشعب وليته تعلم من ( الفاروق ) الذي كان يخشي الله في الدواب ويخاف ان

يسأل عليها من الله فكيف بمن كان السبب وراء مقتل الاف من ابناء

شعبه ولازال يري ان هذا الشعب عليه ان
يعطيه فرصه اخري بعد 27 سنه في حكم هذا
البلد وان البلد تسير في طريق الديموقراطيه
وان البلد بتتقدم بينا ( هي بجد بتتقم بينا
بس لورا وبسرعه رهيبه ) واللي ينرفز هم خطباء السلطه وخطباء

المال الذين لا يستحقون ان يوجههوا المصلين ويكونوا ائمه عليهم واكتر ما اثار غضبي


هو ذلك الخطيب الذي قال ان الشعب يتحامل علي الرئيس وعلي الحكومه في كل شيء

وان هذا بسسب فساد افراد في الشعب وانه يكفي ان يحافظ الرئيس
علي مصر 27 عاما بدون حرب واتمني ان يعلم هذا الخطيب( الأمعه) ان ما يحدث في مصر الان
اسوأ من فترات الحرب لانك ببساطه ممكن تلاقي اي حاجه في مصر تعذيب شعب موجود

فساد اخلاق تلاقي رشوه وحب النفس والبعد عن الله شيء

طبيعي دلوقتي تذلل لشعوب اخري لازم تعليم بايظ موجود بلد خربانه اقتصاديا وعلميا

وسياسيا بدون حريه وبدون ديموقراطيه حتي العلماء بيسيبوه ويروحوا بلاد تانيه

في النهايه احب اسأ ل سؤال بسيط هو ممكن الحرب تعمل ايه اكتر من كدا ؟


عارف ان الموضوع محبط شويه ومتشائم شويتين بس ده اللي جه في بالي وخلاني


اكتب الموضوع ده
واتمني من الله ان ينصلح حالنا وان اكون مخطئا
( اعتذر لاني قد اكون اخطئت في حق ولي امر المسلمين
والمسيحيين كمان يلا علشان محدش يزعل )

السبت، 12 يوليو 2008




السلام عليكم
انا شايف لاني لسه في بدايه حياتي التدوينيه ( اللي مش عارف مدتها بصراحه ) ممكن اتكلم عن اللحظه التاريخيه



اللي مستنيها في حياتي ((15 \7 \ 2008 وممكن(16 مش عارف المهم انا مستني النتيجه اللي ممكن تقلب كل شيء



في حياتي انا قولت اني عايز اطلع مهندس بس مش عارف ممكن ولا لا بس بشكل عام انا شايف ان ده ملوش لازمه



ودي نصيحه لكل اصدقائي صراحه لان كل واحد منا عارف هو عمل ايه وعمل اللي عليه ولا لا علشان كده انا شايف



ان كل واحد لازم يعمل لنفسه (refresh ) اليومين دول ويستقبل النتيجه بصدر مفتوح (بس مش مفتوح قوي علشان الدنيا برد)



ويا خد نفس عميق ويطلع اللي جواه وميندمش لو قصر ويحاول يعوض و ما يزعلش لو ( لا قدر الله ) محققش اللي في نفسه



وفي النهايه لازم كل واحد يعرف ان الله لايضيع اجر من احسن عملا والله ولي التوفيق



( متنسوش تدعولي )


الخميس، 10 يوليو 2008



السلام عليكم
احب اعرفكم بنفسي من البدايه ان
ا

حسن من المنصوره كنت مطنش

شويه ومش حابب اعمل حاجه

كنت بفتح الاميل يدوب اتكلم


علي قد صحابي وبعدين ققفل لغايه

محد من اعز اصدقائي ( لو ربنا اراد لتجربتي النجاح هتعرفوه ) ابتدي كمدون صغير

والان اصبح


مثلي الاعلي في التدوين علي العموم انا اتمني ان اصبح مدونا واتمني تسامحوني علي

الاخطاء اللي هرتكبها لاني لسه مبتدأ


ويريت تصبروا عليه شويه علي العموم انا بحب العب كوره واتمني ان اصبح لاعب

مشهور وطبعا كاي طالب ( سوري نسيت انا داخل تالته ثانوي )

اتمني ان اصبح مهندس زي بابا علي العموم البيت عندنا كله اخوان

وانا حبيت اخرج عن المالوف شويه


واكون راي بعيد علي العموم انا كده طولت عليكم ( سوري بس دي اول مره )


ده الميل بتاعي لو حد عايز يتعرف عليا اكتر

sheva_hassan@yahoo.com