CLICK HERE FOR BLOGGER TEMPLATES AND MYSPACE LAYOUTS »

السبت، 15 نوفمبر 2008

الخطوووووووبه



تحديث : معلش يا جماعه انا مش هقدر اخش القتره دي كتير

معلش انا دخلت والله النهارده بالعاقيه هبقي اقول السبب

بس اما اعرف ادخل المره الجايه انا قرات كل التعليقات

بس مش عارف ارد

دعواتكم



موقف عرفته الاول حسيت انه عادي بعدها مش حسيت انها عادي خالص


خصوصا اني لقيت واحد بيقولي ايه انت مستغرب ليه ده فيه كتير في مدرستي كده


ساعتها حسيت انها بقت حاجه عاديه جدااا وكان الموقف ده بقي طبيعي


علي العموم مش هطول اكتر من كده انا هقول الموقف ونشوف كل الاراء


في التعليقات .


هدخل علي طول فيه بنت اتخطبت من وهيا عندها 10 سنين يعني وهي في


اولي اعدادي كده في بدايه المرحله الاعداديه باعتبار ان مش فيه 6 ابتدائي


المهم اننا برضه نكبرها شويه بدل ما اقول انها اتجوزت وهيا في ابتدائي


واتخطبت من واحد عنده 15 سنه يعني اصغر مني دلوقتي وهو ابن خالتها


يعني انا ممكن اتخطب يا جدعان يلا بقي مش مهم بعد الثانويه علشان مش اتشغل


في الخطوبه ومش اعرف اذاكر علي اساس اني بذاكر يعني هههههههههههه

المهم البنت كبرت وبقي عندها 15 سنه وهو بقي عنده 20 سنه


المهم اهل البنت اكتشوفوا شر شويبس وعرفوا منبع الصودا اللي فيه


وانا بقول ليه بقت مش حلوه يعني وبقت طعمها وحش دلوقتي عرفت


المهم عرفوا انت البنت حبت والمشكله يعني انهم مش متشددين يعني هم


عندهم البنت ممكن تحب عادي وكده بس المشكله انها حبت وهي مخطوبه


يااااااااااااالهوي مش معقول حبت وهي مخطوبه يلا بقي انه الزمن


علي راي صاحبي الدنيا لله .


وانا طبعا سالت هي ليه اصلا اتخطبت من وهي صغيره واتاني الجواب اليقين


هم سالوها قبل ما يخطبوها شفتم الديموقراطيه


ايه يا ولاد ابوها هو اوباما المصري


ماعلينا وطبعا البنت بقي تلاقيها حطت وشها في الارض


من الكسوف وباباها اعتبر دي موافقه


هههههههههههههههههه .


البنت طبعا حبت زي ما اي بنت في سنها ممكن تحب


وبما ان باباها ومامتها مش عندهم اعتراض علي ده


يبقي من حقها تحب بس المشكله عند اهلها مش في انها حبت


انها حبت وهي مخطوبه


ازاي ازاي ازاي


وطبعا الخطيب زعل وفسخ الخطوبه وهتلاقيه حس بالخيانه


وبالسهم النافذ يخترق صدره


ده علي اساس انه مش حب قبل كده من وهو عنده 15 سنه


ووفي ليها اوي ومش حب في الكليه


لحد هنا انا شايف ان الاهل مش عندهم حق


هم معودين البنت انها تحب عادي وهي حبت


وهي مخطوبه من وهي صغيره من 10 سنين يعني طبيعي هتحب


واصلا ممكن خطيبها ده يطلع


مثلا في مقام اجتماعي اقل منها كتير هتتجوزه ازاي ؟؟


نيجي بقي للجزء التاني اكتشفت بعديها ان البنت دي


حبت مين بقي تصوروا كده حبت مدرس انجلزيزي


عنده 28 سنه يعني اكبر منها ب13 سنه يعني يعتبر ضعف عمرها


ازاي حبته وهو اوهمها انه بيحبها


مش عارف والله المشكله لسه مش خلصت الاستاذ ده شغال في صيدليه


والام الفاضله عارفاه وعارفه


كمان الحكايه كلها وبرضه كل شويه تاخد بنتها

علشان تشتري الدوا من الصيدليه دي بالذات


سبـــــــــــــــحان الله ايه الدم ده ؟..


البنت طبعا حتي بعد ما اهلها عرفوا فضلت متمسكه بيه علي اساس انه بيحبها


وفي الاخر هو قلها ايه يا طبعا مش بحبك وكنت بضحك معاكي

ابعدي عني بقي كفايه ضحك كده البنت جالها صدمه طبعا وانهارت .


لحد هنا القصه خلصت ودي حصلت حقيقه انا بس عاوز اسال كذا سؤال


اولا : هل الاب والام ليهم دور في اللي حصل للبنت ده ؟


ثانيا : البنت غلطانه ولا لأ ؟


ثالثا : المدرس اللي المفروض انه بنتعلم منه ايه رايكم في تصرفه ؟


رابعا : ايه رايكم في ان البنت تتخطب من وهي في سن صغيره لواحد برضه في سن صغيره ؟


خامسا : لو حد كان صاحب البنت دي هيكون تصرفه ايه منها ؟


سادسا : ايه الانعكاس اللي ممكن يحصل علي اي بنت اما تلاقي نفسها مخطوبه وهي عندها 10 سنين ؟


سابعا : الام اللي زي ماتكون بتحاول تغيظ بنتها وكل شيوه تاخدها الصيدليه اللي هو شغال فيها


بدل ما تروح تقله لم نفسك وخلي عندك دم ومش تضحك علي البنات الصغيره ؟


ثامنا :البنت ايه اللي يوصلها انها تحب واحد عنده 28 سنه وتصدق انه بيحبها ؟

علي فكره الاجازه مش خلصت لسه بس ده مجرد اجازه في الاجازه

لان الموضوع ده كنت محتار فيه اوووي

ومش عارف لو انا ليا صديق كده كان تصرفي معاه هيبقي ازاي

دعـــــــــواتــــكـــــــــــــــــم

السبت، 8 نوفمبر 2008

استودعكم الله



محتاج فتره راحه ابعد فيها عن مدونتي شويه 

قد تطول وقد تقصر بس اتمني اني احقق فيها الهدف المنشود مني 

ومش حد يفهم غلط مش علشان المذاكره بس انا محتاج فتره نقاهه

اعيد فيها ترتيب اوراقي والملم ما تبعثر من اجزائي  واحاول استرجاع احدهم 

وعدته باني لن اتركه مهما حصل وعلشان كده انا هحاول ارجعه بكل 

ما اوتيت من قوه دعواتكم ليا وليه انه يرجع وان شاء الله انا كمان ارجع 

ومش تطول فتره الغياب وان شاء الله هكون متابع فقط في تلك الفتره 

لاتنسوني من صالح دعائكم 

حسن حنفي 

الجمعة، 7 نوفمبر 2008

no comment



اني اقمت علي التعلة بالمني * في غربة قالوا تكون دوائي 

ان يشف هذا الجسم طيب هوائها * ايلطف النيران طيب هواء ؟

عبث طوافي في البلاد وعلة * في علة منفاي لاستشفاء 

متفرد بصبابتي متفرد * بكابتي متفرد بعنائي 

شاك الي البحر اضطراب خواطري * فيجيبني برياحه الهوجاء 

ثاو علي صخر اصم وليت لي * قلبا كهذه الصخره الصماء

ينتابها موج موج مكارهي * ويفتها كالسقم في اعضائي 

والبحر خفاق الجوانب ضائق * كمدا كصدري ساعة الامساء

تغشي البريه كدره وكانها * صعدت الي عيني من احشائي

والافق معتكر قريح جفنه * يغضي علي الغمرات والاقذاء

ياللغروب ! ومابه من عبره * للمستهام وعبره للرائي

اوليس نزعا للنهار وصرعه * للشمس بين ما ّتم الاضواء

ولقد ذكرتك والنهار مودع * والقلب بين مهابه ورجاء

وخواطري تبدو تجاه نواظري * كلمي كداميه السحاب ازائي

والدمع من جفني يسيل مشعشعا * بسنا الشعاع الغارب المترائي

والشمس في شفق يسيل نضاره * فوق العقيق علي زرا سوداء

مرت خلال غمامتين تحدرا * وتقطرت كالدمعة الحمراء

فكان اخر دمعة للكون قد * مزجت باخر ادمعي لرثائي

وكاني انست يومي زائلا * فرايت في المراه كيف مسائي