الديمقراطيه في مصر كلنا عارفينها وكلنا حاسيين بيها و كلنا واخدين بالنا ان مصر
في ازهي عصور الديمقراطيه طبعا ده هو كلام سياده الرئيس وهو مش بيكدب (حد يقدر
يقول حاجه غير كده ) هههههههههه و بما ان ده كلام كلنا عارفينه انا مش هتكلم عن
الموضوع كتير انا هحكي قصه حصلتلي شخصيا وانتم هتصدقوا مدي الديمقراطيه اللي
احنا عايشين فيها وكمان هتبوسوا ايدكوا وش وظهر اننا عندنا رئيس بالديمقراطيه دي .
علي العموم طبعا وبما ان البلد مليانه ملاعب زي اي بلد محترمه علشان الاطفال زيي لو
عازوا يلعبوا كوره مثلا بس ولاني طفل مخرب وبحب العب في الشارع نزلت يوم علشان
العب كوره مع شويه اطفال زيي في الشارع المهم من وقاحتنا كنا بنلعب قدام بيت ظابط
امن دوله لغايه دلوقتي مش مصدق انه عايش في بيت زي بقيت البيوت بس مش لازم
بس اللي اغرب ان اولاده برضوا كانوا بيلعبوا في الشارع زي بقيت الناس !!!!!
عندي سؤال برئ هو ليه مش يعمل لولاده ملعب من حقهم برضه لان الوالد الكريم بيسهر
علي راحه الشعب ?
المهم اولاده كانوا عايزين يمشونا مش عارف ليه بس ده جاه في مزاجهم يمكن علشان
مش قد المقام ومش نستحق نلعب قدام بيت سيادتهم علشان كده راحوا اشتكوا لوالدهم
الظابط المصون طلع وقال لنا مش عايز حد منكم يلعب قدام البيت ولاننا مش بنفهم عملنا
معاهده سلام مع اولاده وكملنا لعب بس ده مش عجبه وبعد شويه نزل وقال لنا مش
انا قولت محدش يلعب هنا وحاولنا نتفاهم معاه ونسأله عن السبب ونقوله علي معاهده
السلام بس ولا هو هنا مش مهم بس قالنا كلمه وهي كلمه بصراحه بتعبر عن كل معاني
الديمقراطيه اللي مصر عايشاها قالي اما ظابط امن دوله يقولك حاجه تنفذها فورا ومن
غبائي حاولت اسال عن السبب رد بجمله اكثر تعبيرا وقالي انا لو اخدتك ابوك مش
هيعرف مكانك ولا حد هيعرف يجيبك مني واتبعها بسؤال ظريف هو ابوك معلمكاش ازاي
تحترم الكبير وتسمع كلامه طبعا السؤال ده كسفني جدا وكان نفسي اعبر عن مدي اسفي
وساعتها عرفت معني الديمقراطيه في مصر بجد0
ملحوظه : ابن اخوه حاول يفهمه اننا مش غلطانين واننا مش عملنا حاجه بس هو كان
هيقوم يلطشه قدامنا وقاله نصيحه مفييييييييييييييده بعد كده نقي اصحابك كويس قبل ما
تتكلم مع حد 0
وفي الاخر بص لينا وكاننا شرذمه ( حلوه شرذمه دي مع اني مش فاهم معناها )
هههههههههه وركب العربيه ومشي مع الف سلامه
62 التعليقات:
أضحكتني على طريقة
"شر البلية ما يضحك"
المهم انك تعلمت الدرس
" اما ظابط امن دوله يقولك حاجه تنفذها فورا "
الحمد لله بوست نزل كنا مستنين..
المهم
تعرف ممكن يحصلك اكتر من كده وممكن تطئ في مخه ويخدك وعادى جداا
وكويس انكو مشيتوا بكرامتكم ..وبعد كده لازم تسمع كلام اللي اكبر منك وانت ساكت ولا تنطئ ولا كلمه (سمعا وطاعه )هههه
فين بقه اللي بيقول عليه الحوار و...؟؟
ياشيخ روح كل ده كلام وبس
تحياتي على البوست الرائع ده (مدون جديد لاكن متميز الى الامام وربنا يوفقك)0
طيب اقولك وجهه نظرى وهتفهم من غير زعل يعنى
اه صح شكرا
بص يا سيدى بصرف النظر عن كونه ظابط او لا فطبعا انا واحده عاديه وبأكل العيال او الكبار اللى بيلعبوا فى الشارع لان فيه عربيات وناس نايمه وميصحش اصلا اللعب فى الشارع وهو غلطان ان ولاده فى الشارع
ثانيا كونه عايش فى بيت عادى اه فعلا دول بيعيشوا فى بيوت اقل من العادى
انا ضد لعب الكورة فى الشارع باى شكل فيه نادى مركز شباب اى حاجه تكون مجهزة
بس مينفعش تلعبوا على رصيف يعنى وفى الشارع
دة بيكون منظر زفت وعاوزة اقولك انا حرمت المربع بتاعى كله فى القاهرة الجديدة انهم يلعبوا كورة فى الشارع وفيه ناس اكبر منك
فمتزعلش
كونه يقولك كلمه زى دى لا مش صح
بس هو لما قالك تكلم الكبير ازاى دى صح لان لازم يبقى فيه احترام
ممكن متكونش غلطت بس استفذيته انا لما حد بيستفذنى برد عليه بالكلمه دى
وعلى فكرة اصلا اصلا احنا مش متربين على الديمقراطه يعنى من البيت من البدايه شوف الاهل بيتعاملوا معانا ازاى من صغرنا
اتمنى انك تكون فهمت وجهه نظرى الصغيرة ومتزعلش انا مش بدافع عن الظابط انا من اكتر الناس كرهه ليهم
بس حبيبت اوريك انى انسانه عاديه وبتصرف كده لان فيه اصول وسلوكيات غلط لازم تتصلح عند الناس كلها
مممممممممممم
بتلعب فى الشارع ليه تستاهل
نيا هاهاهاهاهاهاهاهاهاها
ما شاء الله عليك ياحسن باين انك ليك مستقبل باهر ان شاء الله
اما بالنسبة للديمقراطية
فانا الحمد لله عشت فيها لمدة اربع سنين فى الجامعة
بصراحة كان الواحد بيقول اللى هو عايزه .......دى تريقة طبعا
ملحوظة : اخر موضوع انت علقت عندى فيه
حصل فى تعديل واتمسح خالص ونزل من اول وجديد
شكرا على متابعتك لمدونتى
وربنا يوفقك يارب واسمع عنك اخبار حلوة وتبقى رياضى وداعية الى الخير فى نفس الوقت
يسرا
وطبعا اتعلمت الدرس وهبقي لسمع الكلام
شكرا لمرورك
على فكره شرذمة بالذال مش الزاى....عموما اللى انت قلته حاجه صغيره من اللى بيحصل فى الانتخابات وفى حياتنا كلها الصراحه موضوع كويس اوى مستنين الاحسن
على فكره شرذمه الذال مش الزاى .......وعموما مفيش ديمقراطيه فى اى حاجه فى البلد واللى انت كتبته مجرد حاجة صغيره بس حقيقى موضوع جااامد مستنين احسن
عبد الهادي_ساره
الحمد لله ان الفكره مش طقت في دماغه وعملهاهههههههه
شكرا لمرورك
APPY
شرفتي المدونه وطبعا مش زعلان ولا حاجه وبجد معاكي حق في اننا مش واخدين علي الديمقراطيه
وشكرا لمرورك
حسام يحيي
ماشي يا عم معدتش هلعب في الشارع هروح العب في العبور
ههههههههههه
شكرا لمرورك
بذره امل
شكرا يا فندم وانا دخلت علقت تاني
موجه
شكرا لمرورك وانا صلحت الغلطه معلش لسه بنتعلم
هههههه
وانا عارف اني كتبت حاجه صغيره جدا من اللي بيحصل
هو انت بتحب شيفشينكو جامد كدة
المهم انت مدونتك تحفة الصراحة ودمك خفيف اوى فى البوست ده
مدحت محمد
ممممممممم
ايوه بحب شيفشينكو جامد كده
شكرا لمرورك
هههههههههههههههههههه
ما ألف سلامه ياسيدى
بعد كدا لازم تسمع الكلام دى أوامر ولا ايه
مصطفى
egyboy
دي اوامر طبعا
ههههههههه
شكرا لمرورك
مش انت قلت هى دى الديمواقراطية فى مصر
....
معلش بس انا رأيى تلعبوا هناك تانى ولا يهمكم ده لو مكان فعلا ينفع فيه اللعب لكن لو هتأذوا الجيران يبقى طبعا مينفعش تلعبوا هناك
جزاك الله خيرا لزيارة مدونتى
الزهراء
وجزاكم مثله
شكرا لمرورك
لا مشى مع الف سلامة ايه
قول راح فى ستين داهية _بصوت واطى طبعا_
ههههههههه
حاجة تحرق الدم(وش متنرفز اوى)
لو هى دى الديمقراطية يارب نعيش لغاية مانشوف عصر الديكتاتورية :)
جريدة الأسرة العربية
قرر رئيس مجلس ادارة الجريدة مشكورا أن يتبنى كل ما يكتبه المدونون
وان يفرد مساحة لا بأس بها لبوستات البلوجرز
كما وافق على نشر البوستات المرشحة بتوقيع كتابها
وسوف يفتح باب التدريب الصحفى لهواة الصحافة من المدونين
وذلك ايمانا منه بقوة التدوين وبأنها صوت المصريين
***
على كل مدون يرغب فى نشر مقالات - تحقيقات - قصص - نقد - ادب - شعر - سياسة او أى كتابات لم يرد ذكرها
ان يرسل البوست المرشح مذيل بتوقيعه وعنوان المدونة والإسم الحركى ان اراد
مرفق بصورة شخصية له
على الإيميل التالى
amyasser@hotmail.com
أو بتعليق على هذا البوست نفسه
يترك لينك البوست اللى عايز ينشره الجرنال له
تحت عنوان جريدة الأسرة العربية
الشـــــــــــــــــروط
-مراعاة الصحة اللغوية والنحوي والإملائية قدر الإمكان.
-مراعاة الا يزيد البوست المراد نشره فى الجريدة عن صفحة ايه فور.
- أولوية النشر تكون للبوستات التى فيها موضوعات عامة تهم قراء الصحف.
-اولوية النشر للبوستات التى ترسل على الميل المذكور أعلاه كفايل وورد مرفق.
الجريدة تصدر الإثنين من كل أسبوع
السلام عليكم
انا اول مرة ازورك وشكلها مش هتبقى اخر مرة ان شاء الله
بوستك هايل وجميل بجد وفعلا انت اسبتلى اكتر من الاول اننا بلد ديمقراطية
بس ارجع واول انك غلطان حد برده يكلم ظابط امن دولة انت من مستواه برده
هههههههههههه خليك جنب الحيط والعب تحت بيتكم او مش لازم تلعب وتلعب ليه اصلا احيك واتمنى لك التوفيق والزيارة لمدوتنى المتواضعة
original heart
يااااااااااااارب الديكتاتوريه تكون احسن
هههههههههه
مش تتنرفزي
ابتسمي انت في مصر
هههههههه
شكرا لمرورك
tote
م انا عرفت اني غلطان
هههههههههه
وان شاء الله هزور المدونه بتاعتك
شكرا لمرورك
حسن ...
بجد بوست رائع وصريح
بس أنا شايفة أن شعبنا شعب مصر
وكأنه أصيب ببلاء في (( حكومتنا ))
كلام في سرك يعني (:
ومفيش بإيدينا حاجة غير الصبر على هذا البلاء
ومش عارفة أقول حاجة تانية لأني بعيد عن مصر بس شايفة أن الذل في بلدك أحسن بكتييييير من ذلنا بعيد عنها وعن أهلها..
تقبل مروري المتواضع
Angel Love
angel love
معاكي حق لازم نصبر علي هذا البلاء ونحتسب عند الله
ان شاء الله ترجعي مصر بالسلامه
شكرا لمرورك
أسوور
شكرا لمرورك
ايه يا بنى برائه الطفوله اللى انت فيها دى؟
هو فعلا ابوك معلمكش ازاى تتكلم مع اسيادك؟؟اوعى يا بابا تكون فاكر زمن الاسياد انتهى مع الثورة المباركه والكلام البايظ اللى بيعلمهولكم فى المدارس دة الاسياد هيفضلو اسياد طول ماهما يقدرو يودوك ورا الشمس ومحدش يعرف يجيبك وطول ما يقدرو يبيعو ويشترو فى مال ابو البلد من غير ما حد ينطق
بص يا بابا انت زغنونه ياختى متلعبيش قدام بيت الظابط وخلاص عشان فيه عفريت بياكل العيال الصغيرين
عجبنى جدا اسلوبك فى الكتابه وطريقتك فى التعبير تقبل مرورى
canary
انا عارف ان زمن الاسياد مش انتهي
بس نعمل ايه طفل بقي
:d
شكرا مرورك اسعدني كثيرا
الديمقراطيه دي عني ايه
دي اكله زي المهلبيه او المسقعه وكده
انا مادقتهاش مش بيعملوها فى بلدنا
تحياااااااااااتى ومدونه جميله
gigi
ههههههه
ان شاء الله هبقي احطها في بوست علشان اي حد عاوز يدوقها يعمل كوبي وباست علي طول
ههههههههه
شكرا لمرورك
انت قولتلى ان انت لازم تلعب كوره كل يوم معى بس انت اخلفت وعدك
SHEVA 1000000000000000$
مهدي
ماشي ياعم اما ققابلك بس
هههههههههههه
والله كنت مشغول وبحجز الدروس 000 الخ
ومش علي يومين غياب ابقي اضي لي انت
هههههههههههه
بس ان شاء الله هحاول وهنفز الوعد
شكرا لمرورك
طبعا لما واحد اكبر منك وخصوصا امن دوله
يبقي لازم تسمع الكلام
انتي بتهزر ولا ايه
عجبني البوست اوي
والبوستات التانهي قراتها كلها
وتقول لسه مبتدا
البوست بتاع الامام ده اللي وجعني اوي
ايه ده
خلاص مفيش رحمه ف البلد دي
سواء ظابط ولا لاء صراحة اللعب قدام البيوت بيعمل قلق ودوشة وقلة راحة
لكن كان ممكن قوي يمشيكم من غير اظهار واضح لمن يكون و تهديدات ليك ولابوك
لكن معلش كل صاحب منصب في البلد ديه بيحب يظهر نفسه
كنوع من الغروووووور
تحياتي
وماتلعبش كورة تاني قدام بيوت الظباط
فيها حبس 6 اشهر ياولد
هههههههههههههه
zozo
انا هسمع الكلام بعد كده
:d
شكرا علي الاطراء
وانا عارف اني لسه مبتدا بتعلم
والبلد معدش فيها رحمه
عااااااادي
ابتسم انت في مصر
شكرا لمرورك
بنت الاسلام
حاضر مش عدت هلعب قدام بيت اي ظبوط
تااااااااااااااني
ههههههههههههههه
شكرا لمرورك
البوست جمبل اوي و عادي الكلام ده الناس بقت بتسمعه كل يوم الضباط بقوا فاردين جناحتهم علينا اوي
بس المهم انتوا لعبتوا كوره بعد كل ده و لا روحتوا!!!
نفسى اعرف اضحك ولا فية اختيارات
دومت مبدعاااااااااااا
الاء
لا والله كملنا لعب عاااااااااااااادي
ملحوظه : كملنا لعب لان الظابط مشي
بالعربيه
ههههههههه
شكرا لمرورك
نونو
شكرا لمرورك
مسخرة اوى الجملة اللى استخدمها دى
اما ظابط امن دوله يقولك حاجه تنفذها فورا
break
هههههههههههه
شكرا لمرورك
حلوة..
المشكلة ان البلطجة اصبحت نظام شعب وفكر أمة .. ولم تعد تصرفات فردية أو أمراض نفسية..
ياصديقي نحن نعيش في مجتمع مريض بالبلطجة..
جزاك الله خيرا
اسجل اول مرور على مدونتك
ولكن يا اخى لا يجب ان ننظر للامور بالنضارة السودة!!
لية دايما نبص لنص الكوباية الفاضى مع انة فى نص مليان وفية حاجات جميلة كتير موجودة حوالينا
وللحق احنا فعلا عيشين فى عهد الرئيس مبارك فترة من الديمقراطية اللى مصر ماشفتهاش من ايام ثورتنا الخالدة اللى الشعب تخيل انها هتكون انتصار وراة انتصار لمصر لكن اثبتت الثورة الناصرية انها اعتقال ورا اعتقال
وبمقارنة بسيطة بين وقتنا الحاضر ووقت مش بعيد قوى يعنى سنة 1960 مثلا نجدنا الان افضل بكتيييييييييير دلوقت ممكن تتكلم وتقول رأيك وتنتقد من تختلف معة فى الرأى زى اللى انت كاتبة لكن هل من الممكن ان يحدث ذلك فى عهد ناصر مثلا... وما يحدث من تجاوزات من البوليس دا كان موجود زمان وهيفضل موجود برضة فى المستقبل لان دى سلوكيات افراد لا سياسة دولةولازم نبص للامور بموضوعية حتى لو كنت بأوصف عدوى يجب ان امتلك الشجاعة واقول مميزاتة ولا اية!!!!!!!!!!
السلام عليكم
العب بعيد انت واصحابك مدينتين عن بيت حالظابط
ما تجبش في سيرة اموات تاني
نورت مدونتي المتواضعة واتمنى دوام التواصل
تحياتي
اسلام
وجزاكم مثله
طبعا معاك حق في ان المجتمع مريض
بالبلطجه
والقوي بياكل الضعيف
شكرا لمرورك
medus
انا موافق حضرتك في اغلب الكلام بس مش كله
شكرا لمرورك
نونو
مش عدت هلعب عند بيت اي ظابط ولا عسكري حتي
ههههههههه
انا كمان اتمني دوم التواصل
شكرا لمرورك
السكه اللى تودى..
ده ايه الراجل الغريب ده اتلحس فى مخه وللا ايه..
والله يابنى ونعم الديمقراطيه ..
انا مهما حلمت عمرى ما هحلم بجمال ونقاء وصدق وشرف البلد دى..
مصر هى امى برده..
يروحوا يتلهوا..
شوف يا خسن ان كان فى فى البلد حد قوى..
ففى اللى اقوى منه..انت عارف مين..؟
ربنا سبحانه وتعالى..
اوعى تكون فاكر ان العمليه خلصت على كده أبداً ان الله يمهل ولا يهمل..
ربنا سبحانه وتعالى سايبهم سايبهم سايبهم..يخربوا زى ماهما عاوزين..
بس خللى بالك الطغيان طريقه قصير قوى..
وكل حاجه ظاهره قصادنا نهب وسرقه عينى عينى..
الناس مش لاقيه تاكل..والتانى رايح يشتريلك بيت صغير مسنتف للويك ايند بـ 47 مليون جنيه..
وخللى بالك البيت محندق هههههههه..
هم يضحك وهم يبكى..
البلد معدش ليها كبير..الا مبارك ههههههههههه حد يقدر يقول غير كده..
وربنا يديم البركه علينا بقى..
البوست جميل يا حسن والى الامام دائماً..
ونصيحه منى ليه..
الشارع اللى تحت بيت الاستاذ ملك ربنا..
مش ملكه ولا بفلوسه امشى فى الحته اللى تعجبك..بس بنفسك باحترامك بتهذيبك..
محدش يقدر يقربلك..
يابنى الكون ده كله ملك لربنا..
نفسى اتكلم اكتر من كده بس انا حسه انى ممله ورغايه..صح؟
يللا سلام..وعلى فكره انا نفس مدونة نداء الى الحياه..بس معنتش بعرف اكتب فيها..
miada ref3at
مش ممله ولا رغايه وبجد معاكي حق
مش فيه حد اكبر كن ربنا
شكرا لمرورك
السلام عليكم ورحمة الله وبركاته
اولا احيك علي المدونه الجميلة
ثانيا احب اسأل سؤال يعني ايه sheva?
اما عن الديموقراطية فتعريفها المصري البحت هو ان حرية الرأي مكفولة للجميع بس الظاهر ان الكفيل لسه ماجاش ؟.!!
تحياتي
الي اللقاء
kamet
التوضيح في مدونه حضرنك
شكرا لمرورك
عمر السعيد اود الأشتراك
حسن مش تلعب فى الشارع ياحبيب ماشى عشان مش تتعور واحد من السكان يضربك
عمر السعيد
مش فاهم
شكرا لمرورك
غير معرف
اوك
شكرا لمرورك
انا بحييك على إلى انت كتبه ونفسى اقول شئ ان المالك ربنا سبحانه وتعالى مش اى حدله رتبه يتحكم بمزاجه والله إحنا فى عصر البلطجه
انا بحييك على إلى انت كتبه ونفسى اقول شئ ان المالك ربنا سبحانه وتعالى مش اى حدله رتبه يتحكم بمزاجه والله إحنا فى عصر البلطجه
انا بشكرك على الكلام إلى كتبته
نفسى أعرف حاجة واحدة لسه حد تهمه مصلحة البلد ولا خلاص كل الناس عايزين مصلحتهم نفسى حد يجاوبلى على السؤال ده
إرسال تعليق