علي التاخير في الاجابه عليه ومستني
انها تحل التاجين بتوعي استعجلوها بقي علشان لسه جايلها كمان شويه تيجان في السكه
اول سؤال من انت؟
من انا هقول الاجابه المفضله عندي دايما iam what iam
تانى سؤال: بطاقتى الشخصية
الاسم : حسن احمد حسن حنفي
اهو الاسم الرباعي كمان مش بخيل ولا حاجه
تاريخ الميلاد : 27\ 3\ 1993
عارف اني لسه صغير بس يلا بقي بكره العيال تكبر
من المنصوره
الديانه : مسلم
الحاله الاجتماعيه : اعزب ولله الحمد
بس رسائل بقي شخصيه علي جنب كده :
1- مش هشترك في الحزب بتاعكم برضه وهاخد اللي عاوزه منه وهخليه تبعي يا (.......)
تالت سؤال : ماهى احلامك؟
احلامي حاليا اني اكون فكر كويس اعرف اواجه بيه اي حد واتناقش بيه مع اي حد زي (.......)
واني ادخل كليه هندسه اللي انا بتمناها ان شاء الله
واني ارضي ربي ودي شايفها اصعب حاجه وققرب منه
رابع سؤال: من اقرب شخص ليك؟
قرب شخص ليا توفي وهو جدي الله يرحمه بعديه ماما وبابا واخواتي
بس دول ققرب اشخاص ليا كعائله
اما كاصدقاء وكشخص احكيله اسراري فهو حسام يحيي
والشخص التالت (.......) هو عارف نفسه كويس
تهدي التاج ده لمين ؟؟
البنت الشقيه .... امي ثم امي .... قطع السكر ... كيارا... اوريجينال هيرت... جيلان
القلم الجريح... انسان بلا عنوان ...حنين القلب....احنا حبايب.. لا والف لا... اجمل ايامنا....
يويو... غلطه مطبعيه.... fokaak meny
رحيل... طالب مصري.... وتدور الساقيه....نور الاسلام .... ملائكيه .... عاشقه النقاب...
البصيره.... صوت الحريه.... دروب الحياه
******************************
بس تاني مستني انها تحل التاجين بتوعي
اول سؤال: اية معنى السعادة من وجهة نظرك ؟ حاسس انك سعيد ؟
السعاده هي ان الانسان يحقق ذاته وكيانه وانه يرضي ربه ويكون مصدر سعاده للاخرين
بس للاسف انا مش حاسس اني سعيد
تانى سؤال: امتى حسيت انك ظلمت انسان ولية ؟ محتاج للحظة غفران منة ؟
يااااااااااه ومين فينا مش ظلم حد بس للاسف انا فعلا ظلمت وممكن اكون ظلمت ناس كتير
ومنهم نفسي يعني انا اما ققصر في
عبادتي يبقي ظلمت نفسي وهكذا ومحتاج لحظه غفران من كل الناس اللي ظلمتهم
بلا استثناء حتي اللي هم غلطوا فيا وظلمي ليهم كان رده فعل
تالت سؤال: بتعمل اية لما تكون مضايق بعد ما تصلى ؟
الصراحه مش بتحصل كتير اني بكون متضايق بعد اما اصلي
لاني بعد الصلاه بحس براحه بس اعتقد انها لو حصل حاجه زي
كده ومن غير تجمل هكمل عادي مش اعتقد اني هعمل حاجه
رابع سؤال: امتى حسيت انك اتظلمت ؟ ولية ؟
انا زي اما ظلمت كتير اتظلمت اكتر بس ليه دي الصراحه مش فاكر
بس مين فينا برضه مش اتظلم
خامس سؤال : اية اكتر احساس بيراودك هذة الايام تجاة نفسك والاخرين ؟
تجاه نفسي : تجاه نفسي بحس اني مقصر في عبادتي واني ممكن اسبب في اذي لنفسي
الاخرين : هذه الايام مش فيها جديد بالنسبه للاخرين
سادس سؤال: امتى ممكن تتنازل عن حق من حقوقك ؟ والسبب ؟
مش اعتقد اني ممكن اتنازل عن حق من حقوقي الا لبابا او ماما و(.....)
او لظروف جبريه يعني ممكن حد عاوز اخد حقي
منه وهو مثلا تعب ممكن ساعتها اتنازل عن حقي علشانه
ومعظم المواضيع بتنازل عن حقي فيها للاسف
لاني بكون مكسوف وده شيء بحاول اتخلص منه
تهدي التاج ده لمين ؟؟
مدحت محمد .... البحث عن زنوبه... رد الي روحي ....
تراقيعووووو....لاللسكوت ......حبيبه الرحمن.... المبرج المحترف.... عاشقه الاقصي ....
حكاوي بنات....عالم جيجي الصغير ... امي ثم امي ... البنت الشقيه...
قلب ابيض ... عصفور في الاسر .... الشاعر.... عالم حبيب.. نبض قلب... صوره ساخره....ابي
story of life .....angel love..ازياء
فكره حره .....فراشه الحيزران....المبرمج المحترف ..... وتدور الساقيه... ورقه شجر
***********************
وكمان في كبايه شاي سخنه احسن بقي
نياهاهاهاهاهاها
1- مين الذي دبسك في هذا الواجب ؟
مش عارف ازاي مين الذي طب من الذي او مين اللي بس يلا بقي المهم
هي مدونه قطع السكر احيانا لاتحلي
وزي ما اتفقنا هي هتدوب بقي
2-اذكر القوانين المتعلقه بالواجب ؟
انها تدوب برضه وكده هي دابت تلات مرات احسن
ولسه دي هتدوب كتير اصبروا بس
يارب مش تقول عاوزه ادوب في عصير ليمون هو شاي سخن يعني شاي سخن بس
نياهاهاهاها
3- اذكر سته اسرار قد لا يكتشفها من يقابلك اول مره ؟
الصراحه اللي يقابلني اول مره مش بيكتشف الا حاجه واحده بس اني بتكسف جداااااا
بكون مكسوف حتي النخاع بكون عامل
زي الكتكوت المبلول علشان كده هو مش بيعرف يكتشف اي حاجه عني للاسف
4- اذكر 16 صفة عن نفسك ؟
وات وات وات 16 صفه انا اصلا مش فيا 16 صفه
ههههههههه
بس هحاول
1) خجوووووووووول حتي النخاع بتكسف جداا جداا
واسالوا اي مدون قابلني بكون شبه
العصفور الكناريا ( ههههههههه) بس فيه حد عزيز عليا قالي
اكتب بس جرئ ومش بتكسف
عند الحق والله اعلم بس انا مش كنت كاتبها
2) اني بتكلم كتيييير بس اما اكون مع حد بعرفه مش مع اي حد
يعني بمجرد اما اتعود علي حد ببدا اتكلم معاه
ويعرف اني برغي كتير
3) اني بميل للهزار عن الجد يعني بفضل اني اهزر بس ساعه الجد ببدا اتكلم جد
4) اني مش بعرف اكتم حاجه جوايا اللي بزعل منه بقوله اني زعلان منه وكده
5) اني بتعصب بطريقه فظيعه ربنا يارب يبعد العصبيه عن اي حد بس
بجد انا بتعصب بشكل مبالغ فيه جداا لدرجه اني ممكن
ارمي اي حاجه قدامي واكسرها وللاسف ده سعات بيخلي ناس كتير تزعل مني
6) اني مش بعرف اقول لحد لأ وده برضه تحت بند الكسوف يعني لو حد قالي
اعمل حاجه بقوله حاضر حتي لو مش قادر
وتعبان جداا بس بقوله حاضر علشان بكون مكسوف اقوله لأ
7) طيب جداا وللاسف بطريقه فظيعه بس بدات اخف منها شويه بس كل اما اخف ارجع
8) مش بحب المذاكره خالص ولاحتي بذاكر يعني بذاكر كده خمس دقايق قبل الدرس
الا الرياضه دي بقي
هي احسن ماده عندي واحسن حاجه بعملها في حياتي هي والتدوين والكوره طبعا
9) اني احيانا بكون متسرع جداااا وباخد القرار بسرعه من غير التفكير
في عواقبه بس بدات اخف شويه وافكر قبل القرار
10) اني خبيث فعلا بس مش مع اي حد ومش الخبث اللي هو شرير ده
لأ ههههههه يعني ممكن الخبث الطيب يعني في الهزار
وكده واما احب اضحك مع حد علي راي واحد قريب مني جداا بيقولي كل شويه هتهبلني
11) اوحش صفه فيا بقي وهي اني مش بحب اي اكل
يعني مش بحب السمك الا البوري والمقلي ولا الفراخ ولا اي نوع من
الخضار ولا اللبن ولا البيض وقيس علي كده معظم الاكل وده اللي اتسبب اني اكون ضعيف
يا عيني ومش بعرف اتشاكل بس بعوض بلساني بقي
12) اني بستخدم لساني كتيييييييير اكتر من ايدي في كل المواقف يعني واحد صاحبي
كان بيقولي انت حمار قلتله لو اناحمار بيقي انت
فاهم كلامي ازاي الا لو انت حمار زيي او كداب وانا مش حمار
13) مش بحب ان حد يحاول يجبرني علي رأيه ودي اكتر حاجه بكرهها
14) اني غلس جدااا جدااا بس غلاسه حلوه برضه يعني غالسه بهزار
بس للاسف سعات بتزيد معايا واحسن بلذه اما الاقي اللي
قدامي بيضربني من غيظه اما اغلس عليه وغالبا بتكون اختي الصغيره
ههههههههههه
15) مش بحب اكون السبب في ايذاء حد او اني اكون السبب اني اظلم حد
بس للاسف بالتاكيد ظلمت ناس كتير واذيت كتير برضه بس
نفسي يسامحوني يارب
16) اخيرا اعتقد اني مخلص لاصدقائي يعني لو صاحبي لقيته في مشكله
ومش عارف اساعده يبقي انا السبب في المشكله دي ويبقي
ايه لزمتي كصديق ليه لو مش ساعدته وخرجته منها حتي لو مش في ايدي حاجه
17) اني اما اعمل حاجه بزود فيها اوي يعني اما العب العب اوي من غير حساب
اما احل رياضه لاني مش بذاكر غيرها اصلا احل
كتير اوي واحل حتي بعد اما نخلص الامتحان اخر السنه ويكون عليا امتحان
ماده تانيه وده للاسف حصل السنه الي فاتت واني لما
اتعلق بحد اتعلق بيه اوي يعني مش عندي وسط للاسف
يااااااااااااااه تاج طويل اوي اوي اوي بس انا قلت 17 صفه مش 16 بس
الحمد لله طلع عندي اكتر من 16 صفه وانا مش عارف
5- مرر هذا الواجب ل6 مدونين
نبضات قلب ... البنت الشقيه.... ملائكيه.... امي ثم امي ... مش لاقيه اسم ....
بنت سيناء
***********************
احب اشكر الاخ medus صاحب مدونه الحريه علي التاج الخفيف ده وبجد تاج جميل
أذكر صفتين لا يعرفها من يحدثك لأول مرة ؟
1- اني بتكلم كتير اللي يقابلني لاول مره يقول الواد ده هادئ جداا
ومش بيتكلم كتير بسم الله ماشاء الله وبعدين كلها كام يوم ونتعود
علي بعض وهو مش يكون مصدق نفسه ودي جمله قالهالي
واحد عزيز عليا قالي انا كنت بسمع ان انت شقي بس مش كنت مصدق الا
اما اتعرفت عليك واتكلمنا كتير .
2- اني مش بعرف افاصل خالص ولو اشتريت حاجه من محل لايمكن اني ارجعها
وحتي لو بايظه وكمان مش ممكن اني افاصل مهما
حصل حتي لو عارف ان ده مش السعر والسعر كده غالي جدا لا وايه انا اروح اشتريه
كمان لاني اتكسف ادخل محل واسال ومش اشتري
بس بدات اخف شويه يعني بقيت ممكن افاصل شويه وكمان بقيت ممكن ادخل محل
واسال ومش اشتري ادعولي بقي
أذكر صفتين يراها الناس فيك وهى ليست كذلك ؟
ايه بقي موضوع الصفات دي انا لسه قايل 17 صفه وكمان 2 كفايه بقي
أذكر ثلاثة من مدوناتك المفضلة
كل المدونات مفضله عندي علشان كده عامل 5 ريدر
بس فيه مدونه اسبيشيل عندي وهي (.....)
ههههههه
لو معك ثلاث وردات لمن تهديها ؟
1- لبابا وماما وكل اخواتي بجد بحبهم جداا بس ليا تصرفات غريبه كده يارب يسامحوني عليها
2- ابله سهير مدرسه الرياضيات بجد وقفت معايا كتير وخلتني احب الرياضيات
من هو افضل رئيس عربى برأيك برر بسببين ؟؟
مش شايف اي رئيس عربي كويس بس افضل رئيس بالنسبه ليا
هو احمدي نجاد
شئ فعلته وندمت ؟
مش عارف بجد بس بالتاكيد عملت حاجات كتيروندمت عليها
شئ لم تفعله وبردو ندمت ؟
اني مش عملت كل اللي عليا السنه اللي فاتت لاني كان زماني جبت درجه احسن من دي
لاني بصراحه عملت ربع الي عليا ويمكن اقل
تهدى التاج لمين ؟
طريق الشباب.... رغي امراه غير مطحونه... اجنحه الشباب....
انامسلمه ... عجبي .... ميتافيزقيا ...new hope.. تنهيده.... انطلاقه.....كله عادي....
البحر... قصاقيص... زي الهوا... جني....تظبيط
قلب مصري... الحريه.... حطم قويدك....
رؤيه.... الشاعر.... مش هبقي جيلي...نور الاسلام .. الملاك
مصر في خطر... نهر الحب....قراشه الحيزران... الباحث عن المتاعب
... امي ثم امي .... البنت الشقيه
في النهايه عارف اني طولت اوي بس اعمل ايه بقي
واللي نسيته يقولي ومش يتكسف لانه الزهيمر من كتر التيجان الي حليتها نساني
واعتذر لمدونه كله عادي لاني طلعت حالل التاج بتعها
ولس فيه تاجين او تلاته بس المره الجايه بقي
116 التعليقات:
اخى العزيز حسن حنفى
اعجبتنى اجابتك "احلامي حاليا اني اكون فكر كويس اعرف اواجه بيه اي حد واتناقش بيه "ففعلا لابد لكل انسان بعد تحديد اهتماماته ان يعد نفسه ومهاراته حتى يكون مستعدا لتحقيق اهدافه واذا احسنت الاعداد فستحقق نتائج ستبهرك انت اولا
ثاني رد ولو اني كنت حابة اكون الاولى ..
التيجان شغلى متعبة ..
اول مرة بحصل على تاج و 2 مش واحد :)
بوركتم ..
والأزرق مع الأسود مضر جداا للعيون !!
مختار الجندي
اسعدني جداا رايك وده شرف ليا
ويراب يوفقني واكون فكر يجبر الاخر علي احترامه
شكرا لمرورك
فراشه الحيزران
يلا لكل مره اول :)
مستني اجاباتك باذن الله
شكرا لمرورك
انت فى ثانوية عامة !!!!!!!!!!!!!!!
ربنا معاك يارب وتدخل الكلية اللى نفسك فيها
اجاباتك حلوة ماعدا!!!!!
ماعدا تدبيسك ليا طبعاااااااا
حرام عليك دة كدة الواجب رقم 11 اللى عليا
ماترحمو بقى
كل دي تيجان
انت ملك علي كام مقاطعة
علي العموم اجباتك كلها بتقول انك تستحق تبقي ملك لحظة الاجابة دي
ربنا يحقق لك امانيك
تحياتي
original heart
طلعت في ثانويه عامه
:((
ربنا معايا
ههههههههههه
ولا يهمك ولا عاوزه يعني اروح اكتب الاسم في الاربعه
هههههههههههه
تحياتي
kochia
اعمل ايه بس ولسه فيه كمان تاجين
:((
بس مستني اجابات حضرتك علي التاج باذن الله
تحياتي
ايوة انا قريت كلمة قصاقيص
انت تقصدني انا ؟؟؟
طيب انا كدة ممكن اجاوب علي الاربعة مرة واحدة
بالله عليك تحط لي خط احمر تحت الاسئلة بتاعتي
او تعلمهم كدة باي حاجة
او مثلا تخلي لون كل تاج غير التاني عشان اعرف الحتة بتاعتي فيين
انا مكنتش فاكرة قصاقيص دي تبعي بصراحة
بس دي هدية وانا مش هرفضها طبعا
متشكرين
نخدمك في الاوقات الكويسة ان شاء الله
الف الف الف الف مبروك يا حسن على التيجان الكتيره دى
ردود متميزه
..................
بس فى سؤال ايه حكايه (.....)
ياريت ترد بسرررررررررعه
ولو على التاجين الى بعتهم فى واحد منهم انا حلاه قبل كده لاكن التانى مش عارفه
.....
هحله باذن الله
تحياتى
البنوته الشقيه
يااااااااااااا
ايه يابنى كل دى تواج يانهاااااااااااارى
دا لو جا واحد بس ليا حرفضة ...ههههههههههههه
بس بجد اجابتاك جميلة من ناحية لكاك دى ابصم بكل زراير الكيبورد ...ههههههههههههههه
ومن ناحية بتتكسف ..مش عاوز اقول بقا ...يابنى يابنى بلاش الكسوف الجامد دا عادى مفيش حاجه
Take it Easy
اه بالحق الدرس اللى جاى امته ..هههههههههههههههههههههههههههههههههههههههههههههههههههه
بس اى خدمة بردة قريت بالمقلوب ..هههههههههههههههههههههههه حبقا اكلمك ع الموبايل بقا يلا موبايلات بقا ..سلاموز
ما شاء الله
اجابات لذيذة اوى
ربنا يحققلك كل احلامك ويسعدك يا رب
مش عارفة اقولك الخبر ده ازاى
بس انت ليك تاج عندى !!!
معلش بقى استحمل
كدة كإنك داخل اختبار نفسي
صعبان عليا والله بس ده نصيبك بقى
يا مسها يارب
يامكتر تاجات حسن يارب
ربنا يابني يحقق لك احلامك
ويكتر تاجاتك قادر ياكريم
ههههههههههههههه
كل سنه وانت طيب
اجابتك هايله بس ايه الكسوووووووووووف ده كله ليه كده
معلش بكرة تبطله خالص
ربنا يوفقك وتدخل الهندسه وتذاكر كويس هاااااااااااااااااااا
كل سنه وانت طيب
سلام
ربنا يعينك ياابنى على التاجات دي كلها انت كده مش هتعرف تمشى من كتر التاجات اللى على دماغك
بس بجد انت شخص رائع وردودك تدل على شخصيه ليها ان شاء الله مستقبل باهر
بجد تاجات كلها تحفة
اجابتك صريحة جدا وتقائية
فيك من صفاتى كتير بجد والله معرفشى ليه كلامك بيدى اكبر من سنك بجد
وواضح كمان انك نفسك لوامة اوى وبتحاول دايما تكون احسن
وانا عن نفسى اتنبألك بمستقبل باهر ان شاء الله
لانك حد نقى وطيب وواضح انك طموح
طبعا فى موضوع الاكل مش هقدر اديك نصيحة لانى زيك بالظبطططططططط
ربنا معانا بقى ههههههههههه
تحياتى
ايمى
فكررررررتني عليا 8 تيجاااااان
بس ايه يبني ايه النيجان دي ربنا يكون فيعونك
بس طبعا انت ادخا وادود
اجابات حلوه وحسيت بطيبتك
تحياتي
كان بدرى عليك كل دا يا صغير ههههههههههههههههههه كل دى تيجان الحمد لله انك قدرت تجاوب عليهم
ماشى يا لاشا متشكرين على التدبيسة دى تاجك على راسى من فوق وهدية مقبولة
اجابتك بتدل على انك انسان طيب جدا وربنا ان شاء الله هيحقق كل احلامك وآمالك ان شاء الله
عجبنى اوى انك كاتب بكل عفوية وتلقائية بشكل لذيذ اوى
دمت بالف خير
تحياتى لأخى الصغير
يويو
السلام عليكم
احم احم احم
اعلق الاول على البوست وبعدين اكح براحاتى اصل جالى كحة لما لقيت نفسى فى تالت تيجان ههههههههههه
بصراحة ياحسن اجباتك هايلة جدااااا
ربنا يارب يحققلك كل اللى فى نفسك وتدخل كلية الهندسة
وتبطل غلاسة على اختك الصغيرة ههههههه
اما بقى عن التيجان شكرا على اهدئك ليه ان شاء الله هحلها فى اقرب فرصة
تحياتى
kochia
ههههه
ليه بس طبعا بتاعت حضرتك
:d
مستني الاجابات علي التاج باذن الله
وان شاء الله المره الجايه هكتب كل تاج بلون دعواتك
تحياتي
البنت الشقيه
اولا : الله يبارك فيكي
ثانيا :هههههههههه
يا سلام التاجين
انا بعت ليكي تلات تيجان مش اتنين
في انتظار اجابتك عليهم
:d
وبالنسبه ل (0000)
فده سر بقي
:p
المبرمج المحترف
هههههه
ماشي والله انا مش رضيت ابعت ليك
علشان انت وحش ومش بترضي تحل
:(
والله كنت ناوي ابعت ليك اتنين كده بس المره الجايه علشان عارف انك مش فاضي بس
وبعدين انت عارفني انا واخدها ايزي اوووي ولا ايه
:d
والدرس الجاي قريب اووي وللاسف قرات بالمقلوب ((
موبيلات بقي
:)
اجمل ايامنا
ده شرف ليا اني احل تاج من حضرتك مش تنسي ان حضرتك اول حد يبعتلي تاج
:d
وان اشء الله احله قريب اووي
مستني اجابات حضرتك علي التاج
تحياتي
خالد فوده
اللهم امين
بس زعلان منك لانك قلتلي مش تبعت ليا اي تاج
:(
ربنا يوفقني ويوفقك
حنين القلب
مش عارف والله بس انا بحاول ابطله شويه
ان شاء الله بس دعواتك علشان اعرف اذاكر بقي
كل سنه وحضرتك طيبه
مستني اجابات حضرتك علي التاج
تحياتي
السلام عليكم ..
حسن .. اسمك ماشاء الله جميل..
يا رب تدخل الهندسة يا رب .. انا مهندسة على فكرة :)
ربنا يوفقك يا حسن :)
حلوة التاجات اللي خليتني اعرفك كويس في اول مرة ازورك دي :)
gigi
ربنا يبارك فيكي يارب
مستني حل الاج باذن الله
emmy baby
علي كده ربنا معانا احنا الاتنين
ههههههه
ويارب اكون عند حسن ظنك يارب
مستني اجابات التاج
كيارا
:-o
ربنا معاكي علي كده
مستني الاجابات علي التاج بقي
:)
yoyo
:d
مستني اجاباتك علي التاج
ان شاء الله
وده شرف ليا اني اكون اخوكي الصغير
يا بختي
هييييييه
:)
السلام عليكم
يارب بس برضه مش هبطل
هههه
ميتني اجاباتك بقي بس مش تتاخري
قهوة بالفانيليا - شيماء علي
وعليكم السلام
ده بس من ذوق حضرتك
:)
وده شرف كبييييييييير ليا ان حضرتك مهندسه عقبالنا بقي
:d
تحياتي
ربنا معاك
بجد انت انجزت لما تعمل ولا خمسميت تاج في بوست واحد
ههههههههههههههه
وايه التسييح دا
كل شويه زوزو حلي التاج
قولنا حاضر
ههههههههههههههههه
ربنا يبارك فيك يا رب
وتبقي باشمهندس قد الدنيا كدا
zozo
اعمل ايه بقي عقبالك بقي
واعمل ايه ياريت بيتحلوا برضه مش بيتحلوا
:p
شكرا على التاج وهجوبه بسرعه باذن الله
تحيــــــــــــــــــــاتــــــــــى
احمد اشرف
مستني اجابات التاج ان شاء الله
تحياتي
اجاباتك جميله ما شاء الله
وبصراحه اكبر من سنك بكتير اوي و دي حاجه جميله جدا
ان شاء الله تدخل هندسه زي ما بتحلم
الاء
شكرا ليكي
ان شاء الله مستني اجاباتك علي التاج
باذن الله
أستغفر الله العظيم........
ممكن حضرتك توضح بس يعنى حضرتك بعتلنا
تاج هوا فين "مين الى سرقه":)
على العموم هو لو مش فى مش هنزعل...
بس قول علشان الواحديعرف رأسه من
رجله.............................
حسن
حسن
حسن
حسن
حسن
ربنا يخليك وينجحك
يغير اللون الازرق بتاع الخط ده
لاء بجد صعب جدا
فتحه شويه بلاش الزغلله دى
راعى ان فى ناس نظرها على قدها
ومش هاخد التاج غير لما اعرف اقرا ههههههههههههههه
ما شاء الله تاج جميا واجابات اجمل
بس باعتذر عن الاجابة عن التاج اللى طبعا شرفنى انك قلت انى احله بس بروف امتحاناتى
فمعذرة شديدة ودعواتك عندى امتحان يوم الاحد دعوااااتك بجد
ايه يا حسن كنت محوش الواجبات دي كلها .. بس انت بطل انك جاوبتها
تاج الاسرار انا حليته قبل كده
وربنا يحقق كل ما تتمناه
انا جيت بس اسلم واشوف الاخبار
قرأيت جزء كبير من البوست هأكمله اكيييد
بس معلش والله الوقت ضاغط عليا جداااا
وان شاء الله اجاوبه بأذن الله
بس ايه الكلام الكبير ده
ربنا يوفقك
السلام عليكم
اولا كل عام وحضرتك بخير
والحمد لله التاج الاخير مجاوباه قبل كدة يتفضل الاتنين الاولانين هجاوبهم باذن الله وجزاك الله خير عليهم ولو انهم بجد محتاجين تركيز شديد وانتباه اجمد
ربنا يوفقك دوما الى ما يحبه ويرضاه
واعتذار عن التاخير
تحياتي
سندس وامل
شوفوا اعملوا للصفحه ريفرش
والله انا بعت تاج ورحت قلت عندكم اني بعتلكم تاح ؟؟!!
تحياتي
دمتم بخير
رحيل
نو دي حجج لازم يتحل
ههههههه
والله علي استعداد احل التيجان من الاول بس انتي تحليهم بس
في انتظار اجاباتك
تحياتي
رد الي روحي
انا عارف ان حضرتك عندك ظروف ربنا يكون في عون حضرتك
دعواتكم
تحياتي
جني
اعمل ايه بس ربنا معايا
حضرتك حل اي تاج مش اتحل قبل كده
في انتظار الاجابات
تحياتي
عاشقه الاقصي
دي شهاده اعتز بيها
كان الله في عونك
تحياتي
نونو عاشقه النقاب
وعليكم السلام
وحضرتك بخير يارب
مستني الاجابات
ويكفيني شرف زياره حضرتك
تحياتي
مع الاجابات تنكشف الشخصيات!!
جزاك الله خيرا
اسلام
معك حق
وجزاكم مثله وزياده
بس انا نسيت اكتب اسمك
ياريت تستلم التاج
أخي الحبيب حسن...
لقد كتبت مدونتي في التاج الأول..فلك الشكر.. .
اكرمك الله وجزاك خيرا..
على فكرة:
"مع الاجابات تنكشف الشخصيات"
جملة اكررها مع كل تاج .. فلا تأخذها على محمل غير المقصود منه "المزاح"
جزاك الله خيرا مرة ثانية
اجاباتك جميلة
وميرسى اوى لمرورك التاج ليا
وان شاء الله هنزله قريب
اسلام
معلش والله مش اخدت بالي
اصلي اليومين دول تعبان ادعيلي
وجزاكم مثله
ولايهمك انا كنت فاهم قصدك
جزاكم الله مثله وزياده
تحياتي
rara
حمد لله علي السلامه
جزاكم الله خيرا
مستني اجابه التاج
تحياتي
الرجاء زيارة مدوناتنا
القناص
thesniper2000.blogspot.com
شكرا
the sniper
مدونتك جميله
ان شاء الله تضيف للتدوين كتير
يا رب عقلك يكبر وينور اكتر وتقدر تناقش الناس اكتر واكتر وتدخل هندسه وتبقى تبنى ليه القيلا بتاعتى بعد عمر طويل ان شاء الله ههههههههههه
غير معرف
شكرا لمرورك
appy
هههههه وانا موافق
:d
بس مش تطمعي اوي
هههه
يابنى انا نفسى اعرف هى مدونتك مش فيها لون خط غير الاحمر والازرق
والله فى الوان تانيه هتلاقى الوان فاتحه تمام تمشى مع الخلفيه السودا
المهم لقاء مدونى الدقهليه يوم الجمعه الساعه اربعه العصر فى مكتبه بوكس اند بينز فى انتظارك
http://www.facebook.com/event.php?eid=31250722567
رحيل
مش كنت اعرف بس طلع فيها لونين غير دول المره الجايه ان شاء الله هتكون الالوان متغيره
ان شاء الله اكون موجود يوم الجمعه
تحياتي
كلامك كله صدق يا ابو على
ربنا يكرمك
وتتدخل كليه الهندسه اللى بتتمناها
لكن مش التمنى لوحده كفايه لازم العمل والاجتهاد
كل دى تاجات ؟؟ كان الله ف العون , وبالنسبة بقى للتاج اللى اسمى مكتوب فيه فلله الحمد انا جاوبت عليه قبل كدة هييييييييييييييييييييييييييه
وبالنسبة لاجلابات جميلة وصريحة وإن كنت حاسة انها مايلة للغموض , لان فى اسئلة بتقول : مين ؟؟ واجاباتها مافيهاش اسماء بس يلا هنعمل نفسنا مش واخدين بالنا هههههه
عبده الرايق
اللهم امين يارب
ويارب امل اللي عليا علشان استحق ادخلها
شكرا لمرور حضرتك
زي الهواا
نوو مش معقول فيه غيره حضرتك مدي ايدك بس وخدي اي واحد مش حلتيه قبل كده :)
ايوه كده ولا اكن فيه حاجه ;)
ههههه
تحياتي
اغرب مدونة ممكن تدخلها ..(مدونة شيفا)0.
تدخل تلقي اكتر من تاج في البوست الواحد
تدخل تلاقي نفسك معزوم على تاج ..(الحكاية علطوول)0
هههههههه..مش كده برده ..بجد انا بقول ان دي اغرب مدونة
بس ممكن اعرف سبب انك عامل لون السؤال زي الاجابه ..الواحد عينه اتلوحت ..معتش عارف هوه بيقرا سؤال ولا اجابه ..حراام عليك مش كفاية انهم يجي 3تيجان ولا 4
ههههههههه
----------
انت سبتلنا تعليق ان لينا تاج عندك ..انا بقه عدت اقرا خلص اول تاج ولسه ..والتانى ؟..يامسهل .والتالت..ياافتاح..
انا قلت كفاية كده معتش فيه تيجان وشكله بعتهلنا بالغلط
يااسبحان الله لقيت تاج رابع ..والحمد لله حصلت على العزومةبتاعت التاج
-------
بجد اجاباتك راائعه وصررريحه قوووي
وده الي مخليها حلوة بجد
ربناايكرمك ..وميحرمكش من التيجان ابداا
حسن استنى كده ..انا افتكرت حااجه ..انت كاتب انك مواليد
27/3/1993 م
ممكن اعرف ازاي بقيت في 3ثاانوى
لاني مواليد 20/5/1993م
ولسه في اولى ثانوى
حاجه غريبه ..!!!!
ضرووري ترد على السؤال ده
اوك
عبد الهادي _ ساره
ههههههه
ده شرف ليا :)
وطبعا مش اتلخبطت واللون ان شاء الله هيتغير من المره اللي جياه بس دعواتكم
بالنسبه لاني مواليد ( 93 ) وتالته ثانوي علشان انا الاول كنت في الهدي والنور مدرسه خاصه ودخلت بردي سنه وعلشان كده مش اخدت سنه ساته فسبقتكم بسنتين
:d
وكمان هم قالوا الولد ده عقله كبير ولازم نكبره اكتر من كده بس انا قلتلهم كفايه عليا تالته ثانوي مش عاوز اكتر من كده
هههههههههههههه
تحياتي
ومستني الاجابه علي التاج
يااااااااااااه
ايه التاجات دى كلها
كل ما ادخل مدونة الاقى تاج
حتى انا ههههههههههههه
بس حلوة اجاباتك بس انا مقرتهاش كلها اصلها كتيرة واحنا فى دراسة
:D
واعذرنى والله انى مبدخلش كتير ع مدنتك اصلها والله كل ما افتحها تهنج الجهاز كله
الجهاز مش بيقدر ع الحاجات الجامدة دى
:D
ربنا يعينك وتحقق احلامك يارب
ايمان @@ بنت الحرية
ولايهمك كفايه شرف دخولك المدونه
:)
ههههههه
جامده ايه بس :d
ده من ذوقك بس الجهاز هتلاقيه مستقصدني
:d
اللهم امين :)
مستني اجابات التاج
تحياتي
ايوه كده ماله الاصفر فله اهو
المهم بقى موضوع الطيبه ده مع الايام هتتخلص منه وكل لما تعدى عليك تجربه وتقابل ناس هتقدر تتعلم اكتر امتى تبقى طيب وامتى تاخد موقف
بس ايه كوووول التيجان دى
كويس انى ليه واحد بس بتاع البطاقها لشخصيه مرسيه ياحسن
بس انا راى انك تروح تذاكر بلاش نظام الخمس دقايق دووول
ياحرام كل دى تاجات
:)
بس اجابات ما شاء الله تمام
وجميله فكرة انك حابب يبقى ليك فكرك اللى مختاره بنفسك كوسيله تساعدك على فهم الواقع بتاعك .... مش مجرد انسان بلا فكره وهدف وغايه يعيش علشانها
كل التوفيق يارب وشد حيلك
======
اما عن التاج اللى اسمى مكتوب تحته فانا حليته قبل كده
:)
شكرا على تمريره
رحيل
يارب دعواتك معانا بقي
اهو علشان كله يشوف اللي فات كان بس اختبار نظر مش اكتر :d
هههههه
علي فكره النظام ده احسن نظام :d
هههههه
ان شاء الله اسيبه يارب
حطم القيود
اعمل ايه بقي :(
مش عارف
بس يلا الحمد لله اني عرفت احلهم
وحضرتك ياريت تاخدي اي تاج مش اتحل قبل كده :)
تحياتي
السلام عليكم ..
أزيك يا حسن أخبارك إيه ..
أولا أعتذرلك جدا على تأخيري في زيارة مدونتك أنت وباقي المدونين
ثانياً.. إيجاباتك جميلة جدا على كل هذا الكم من التيجان
تقبل مروري المتواضع ..وإن شاء الله لنا لقاء آخر وشكراً لإهدائك لي التاج
Angel Love
السلام عليكم ورحمه الله
اولا انا بعتذر ياسونا عن التأخير فى الرد على البوست بتاعك الجميل ده
معلش بقى انت عارف ظروفى محبكه شوية هههههههههههه
ازيك ياسونا
اجاباتك جميله جدا
وربنا يقويك على التيجان دى كلها هههههههه
اسيبك بقى
فى رعاية الله
angel
الحمد لله علي العوده
وان شاء الله تكون عوده بلا انقطاع
ان شاء الله
ومستني اجابه التاج
تحياتي :)
emmf
السلام عليكم
ولايهمك عارف انك مشغول ربنا معاك يارب
:)
هههههههه
يارب
تحياتي
اية ياعم التاجات اليامة دى ربنا يزيد انا ما بحسدش انا بقر بس
بجد اجابات جميلة ربنا يوفقك
احمد الشاعر
elsh3er
ههههههههه
ولايهمك تحسد ولاتقر :)
المهم ان المدونه اتشرفت بيك
تحياتي
حرام عليك يا أخي أنا لسة لابسة النضارة بسبب مدونتك دي كللللللللللللل دي تيييييييييييييييييجان
ومهديني واحد بس
أحسن دول حتى وجع دماغ
دة أنا عكسك عل آخر في كل الصفات أنا مكسفش أبدا وخصوصا لما أقول لا
تقدر تقول جريئة بزيادة
واثقة من نفسي يعني كسوف دي مش عندي خااااااالص
توقعت انك نطيت سنة
بس معقووووله السنة الجاية هتبقى في جامعه وعندك 16 سنة ...معقول ..هههههههههههه
.........
اما اللون فهوه كويس عن الاول كتيييييير
بس انا قصدي ان السؤال غير الاجابة في الالوان ..على العموم المرة الجاية ميهمش
وحلنا للتاج ممكن يتاخر حبه ..معلش بقه
بنوته
:) مش تقلقي لسه فيه تانيه بس مش حبيت ازهقكم مني وانا غيرت اللون اهو :) علشان النظر
هههههه
ويارب ابقي زيك وبلاش كسوف ده
عبد الهادي _ساره
هههههه
تصوروا بقي مش عارف هدخل الجامعه وانا عندي 16 سنه بس يارب اعرف ادخل الكليه اللي عاوزها دعواتكم
انا فاهم قصدكم بس البوست الجاي بقي ان شاء الله
ولايهمك بس المهم يتحل بقي
تحياتي
اجباتك حلوة وي واسالتك كمان حلوة وسهرة انا شفت التاج بتاعك عند مدونة بنوتة
واتمنى انك تزور مدونتي وتتبعني
مقتطفات من حياه فتاه
ده شرف ليا
يكرا لمرورك
عوووووووووووووووووووووووووو انا جيت اتخديت
............................
الله الله الله
انت بجد انسان صريح وعسول وتستهل والله كل خير
بجد بجد بجد
ربنا يحققلك كل احلامك ياااااااارب
المهم المهم
هاااااااااا
هقول حاضر
طب براحة عليا شوية
اتخديت
ههههههههههههههههههههههههههه
يا ابو حنفى يا سكرة والله اقرب فرصة واجمع كل التجات دى وارد عليها بالجملة احسن يمكن تكون ارخص ولا حاجة
ههههههههههههههههه
دومت بخير
عوووووووووووووووووووووووووو
اةةةةةةةة صحيح
فين جديدك
انا شوفت البوست دة من فترة كبيرة
بس مكنتش علقت
يلااااااااااااااااا بقى مستين جديدك
عووووووووووووووووووووووووووو
ماشى همد ايدى واخد سؤال من كل تاج , وبكدة اكون اخدت من كل بستان زهرة :)
!
عوووووووووووووووو
كيكي
شكرا ده شرف ليا انك تقولي كده وكالعاده اتخديت بس المره دي كانت الخده جامده لاني مش كنت واخد بالي
هههههههههه
مستني اما بتجمعوا علشان برضه مش حد فيهم يزهق خليهم يسلوا بعض بقي
:d
تحياتي
الجديد في الطريق بس اتاخر شويه
هههههههه
قريب ان شاء الله
زي الهوااااا
هههههه
وانا موافق ومستني الاجابه ان شاء الله
:)
تحياتي
كيكي
:-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o :-o
وشوش مخدووووووووده
هههههه
السلام عليكم
انا اول مةازور مدونتك بس بجد جميلهوربنا يقدرك على التيجان وعلى مرسيلك قصدى المعلقين عندك
تحياتى
السلام عليكم
انا اول مةازور مدونتك بس بجد جميلهوربنا يقدرك على التيجان وعلى مرسيلك قصدى المعلقين عندك
تحياتى
اخبارك ايه يارب تكون كويس
انت فين كده فين جديدك
هى المذاكرة اخدتك مننا ولا ايه
batooot
ههههه
اللهم امين
تحياتي
rara
قريب جداا ان شاء الله
هتلاقي بوست نزل
هي المذاكره تقدر :)
ههههه
تحياتي
السلام عليكم
ازيك حسن
اولا اعتذر عن التأخير بالرد على بوست دا بس بجد قرأته مرتين تقريبا زكنت فاكرة نفسي علقت لكن لعلة خير اديني بعلق
اجابات جميلة وميزة ما شاء الله عليك
ويارب تتحقق كل احلامك يارب
ربنا يوفقك ويقدر على التيجان دي
تحياتي
اشراقة
اشراقه امل
ولايهمك كفايه شرف ان حضرتك قرتي البوست
اللهم امين
متأكد انك عايز تدخل هندسة ؟؟
هههههههههه
ياعم فكر تاني
يمكن ما تدخلش جامعة أصلا
هههههههههه
teva
هههههههه
ليه بس كده دي هندسه دي كليه زي العـــــــــــــــسل
بس يعني مش عسل اووي :)
السلامووو عليكووو
اولا اعتذر عن التأخييييييير
بس اعمل ايه انت عارف بقى
شغل الثانويه العاميه وقرفها
ههههههههههههههههه
ههههههههههههه
ربنا يخدك انت والتيجان دى
اقصد ربنا يوفقك
ههههههههههههههههههههه
مرسسسسسسسسي أوي على التاج أقصد التيجان الناس و الله حتضربني بالتيجان بسبب التأخير و أيوة يا عم أنا كمان زيك بحب أحمدي نجاد بس زود عليه عبد الله جول بتاع تركيا :)) إنشاء الله أحل التاج بتاعك في أقرب فرصة
أختك الكبيرة أووووي
زينب
kan__7alm
لا ولايهمك :)
مستنين جديدك
اللهم امين ولكي المثل :p
تحياتي
zanooba
عوده محموده يارب بقي بدون اي انقطاع
:)
ههههههه
انا بحبه علشان بيفكرني بالكوره بس :)
جت في الجول :p
ههههههههه
مستني اجابات التاج
اخوكي الصغير اووووووي
حسن :d
السلام عليكم
شد حيلك وعايزين موضوع جديد خليك فكرنا جنب المذاكرة
احمد الشاعر
elsha3er
ان شاء الله النهارده بالليل او بكره هنزل موضوع جديد بس دعواتكم
وياريتني بذاكر :(
:)
السلام عليكم
أنا عجباني إجاباتك جدا...
أن جيت أخد التاج اللي قلتلي عليه ..بس أنامش لاقية أسمي في التيجان ...ياريت تقولي أي تاج تقصده ؟؟؟!!!!
تحياتي
سلمي
ما شاء الله
على الاجابات الرائعة
و جزاكم الله خيرا
و تحياتى
ما شاء الله
على الاجابات الرائعة
و جزاكم الله خيرا
و تحياتى
حياتي كلها لله
اخر تاج :)
وحضرتك ممكن تاخدي اي تاج واي سؤال يعجب حضرتك
تحياتي :)
خديجه محسن
وجزاكم الله مثله وزياده
تحياتي
إرسال تعليق