CLICK HERE FOR BLOGGER TEMPLATES AND MYSPACE LAYOUTS »

الخميس، 6 أغسطس 2009


موقف حصل قدامي وحبيت اخد رأيكم فيه


البنت اللي بتروح تقابل ولد وهو بيقنعها ان ده علشان هو بيحبها


وانها لو قالتله لأ مش ينفع اقابلك او ان ده غلط يقلها يبقي


انتي مش واثقه فيا وانتي كده مش بتحبيني


وفي النهايه البنت دي تروح تقابل الولد


بعدين ممكن لو هي محترمه وفيها شويه خير لسه


بتندم جداا علي الموقف ده وبترجع زعلانه ومش عارفه هي ازاي عملت كده


وبتروح نفسها تقول لوادتها او لوادها علي اللي حصل علشان


تريح ضميرها تيجي تكلمه تقله ان احنا كده غلطنا


يقلها دي اول واخر مره بس انتي مش تقولي لحد انتي شكلك كده مش بتحبيني


ده انا بحبك اووي ومش ققدر استغني عنك


هي زي المستسلمه تستني وترجع عن قرارها ده وبعدين بعد فتره يتكرر


نفس الكلام تاني ومره في مره يبقوا لازم يقابلوا بعض اسبوعيا


وبعدين كل يومين مره وهكذا والبنت تفقد بعد كده معظم حياءها ان لم يكن كله


..........................................

فيه بنات تانيه اما الموقف ده يحصل وتروح تخرج معاه مره


بتقطع علاقتها بيه نهائي وبتعتبره ماضي ومجرد ذكري وحشه في حياتها


وتنساه خالص علشان مش ترجع نفسها للموقف ده تاني


بس دول قليلين اوووي ونادرين جداااا

....................................

فيه سؤال بقي هو اما الموقف ده يحصل هل


العيب من البنت دي انها اصلا قابلت تقابله وهو المفروض اول مايقول كلمه زي دي تقطع علافتها بيه نهائي ؟


وهل ده بيشوه صوره البنت قدام الناس وبيشوه سمعتها ؟


وهل الولد فعلا كده بيحبها وهل لو هو بيحبها هيقبل ان سمعتها تتدمر لمجرد انه عاوز يقابلها ؟


وايه اللي البنت المفروض تعمله وهو خلاص قابلته هل ممكن تامن ليه وتعطيه فرصه تانيه ولا خلاص تقاطعه خالص ؟


وهل البنت كده بتقع من نظره وبتقل ولا لأ ؟



44 التعليقات:

TIMMY !! يقول...

إيه ده ,
هو أول تعليق و لا بيتهيأ لي ؟؟

TIMMY !! يقول...

بص يا عم حسن ,
البنت دي ساذجة , و الولد ده مش بيحبها ,
لأنه لو كان بيحبها ما كانش يرضى لها الضرر و لا إنها تعمل حاجة هي خايفة منها ,

و الذنب على ناس كتير ,
على البنت الساذجة , و الولد الكذاب ,
و أهل البنت اللي لم يحتووها فبحثت عن الحب عند غيرهم ,
و أهل الولد اللي ما ربوهوش و سابوه ماشي على حل شعره يفسد في بنات الناس ,

المسألة معقدة جدا يا حسن ,

ربنا يعافينا

أختكم فى الله يقول...

متهيالى - يا بشمهندس - ان البنت اصلا لو ملتزمة مش حيبقى فيه مجال اصلا انها تتكلم مع ولد ويعرض عليها فكرة الخروج دى

يعنى انا رايي اصلا ان المفروض البنات متتكلمش مع اى ولد غريب عنها تماما الا فى حدود الشغل او الدراسة وكدة

غير كدة هى لو قبلت مرة انها تتكلم يبقى حتقبل بعدين انها تخرج وتاتى سلسلة التنازلات

sabba7 يقول...

علمنا الأمام الشهيد حسن البنا فى رسالة المرأة المسلمة ومن خلال فهمه لديننا الحنيف أن المجتمع المسلم ليس فيه أختلاط بل هناك مجتمع مسلم للرجال وهناك مجتمع مسلم للنساء لا يتلاقوا ألا بضرورة كالتواجد فى سوق أو طبيب فى حالة عدم وجود طبيبة مسلمة أو كتابية ذات مهارة
لذلك فأن أى علاقة بين ولد وبنت سواء فى دراسة أو صداقة أو أى عذر أخر غير شرعية وتفتح باب للشيطان
فحذارى من التهاون فى ذلك فأنه اول طريق الضلال فأن طريقة المعصية أوله نظرة

Dr. Ibrahim يقول...

شوف يا بيه

المفروض أصلا لو واحد بيحيب واحدة

وعايز يتزوجها

مش من المفروض أصلا يتكلم معاها

يروح على بيت أهلها ويطلب إيدها

فحكاية انه يقابلها طبعا يعنى جاوب على نفسك بقى اذا كان الكلام ممنوع يبقى المقابلة .......

تحياتى لك

Unknown يقول...

السلام عليكم ورحمة
الله تعالى وبركاته
حمدلله على السلامة
ياحسن ياأبو على
إن شاء الله (لما تخلص الكلية)
المهم عايزة اسألك وبحكم انك شاب
وفى مقتبل حياتك وبكل صراحة كمان
انت رأيك ايه فى الانسة دى ؟ من ناحية المقابلات وخلافه؟ولما ترفض
بتبقى دمها تقيل وبايخة ومش مودرن!
ولما بتوافق بتبقى ابتذلت نفسها
وكرامتها وووووطيب ايه تعمل
الانسة لاجل من الناس تعرفها
تعرف شخصيتها تعرف ثقافتها
مش كل الناس عندهم نوادى
اجتماعية واسرية وخلافه؟
فعلا عايزة اعرف ايه
(الانفصام)اللى فيه
شبابنا من بين (العيب
وما يصحش وحاجات كتير معلش
عمالة تتزاحم فى دماغى ومش عارفة
ارتبها !)

Unknown يقول...

حسن انا عارفة الحرام والحلال
كويس اوى لكن انا عايزة ردك
اجتماعيا ومجتمعياً لو سمحت:)

walaa rizk يقول...

المشكله أكبر من حصر الغلط ع مين

لأن الكلام ده للأسف اصبح عادى جدا فى أروقه الجامعه والبنت مش بتتضايق لو يتقابله

لأن الحجج الموجوده كتير

المشكله متشعبه الاطراف وبتختلف من مرحله لمرحله

لو مرحله الثانوى واعدادى


غالبا فتره وهتعدى وهو وهيا هيقلبوا بعض


وهيدخلوا الجامعه

ويبدأ كل واجد يبحث عن حب جديد

وهكذا

بنت الاسلام يقول...

الحب ضعف

والضعيف بيستسلم

وحتي لو حاول يقاوم

مش هيقدر

يبقي الذنب هنا ذنب الاختيار

يعني قبل مانسلم قلوبنا لاي حد

لازم نعرف بنسلمه لمين

للي بيحبنا بجد

ولا للي بيتسلي بينا؟

تحياتي

ريمان يقول...

مش عارفه يا حسن اقولك ايه

بس لازم مادام فى حب لازم يبقى فى حب

وعقلاينه


وواقعيه شويه


بس اهم شىء هو النضج

ساعتها بقه هى هتقدر تعرف اذا كان ده بيحبها فعلا ولا لاء

واذا كان مستاهل انها تضحى عشانه ولا لاء

وساعتها كمان هيبان اذا كان هو تفكيره راجعى ولا انسان متفاهم وراجعى وهيبص لجبها ليه ازاى



الموضوع ده يا حسن انت شايفه من زاويه واحده

لازم تبص له من جوانب كتير اوى قبل ما تحكم على موقف زى ده

Hidden يقول...

بص يا اخ سونه انا مش بحب اللت و العجن ف الفاضيه

واضح إنك لسه صغنون شويه على إنك تبقى منظر إجتماعي
و وضع الأحكام على الناس من خلال موقف واحد او بالنظر من بعد واحد اكبر الخطأ


و عشان مطولش عليك احب اكلمك ف الموضوع دا كمان كام سنه كدا يمكن يمكن تكون كبرت شويه و طلعلك .... :d


و لينا كلام هون يو كوم باك

سلام

mohaawad8 يقول...

اولا اسمحلي اهنيك ع الكلية
و المدونة و الكتابة........


مش عارف ليه
مش حاسس بالكلام اوي
يمكن الموضوع عامة
اه شغال
لكن الشكل ده بالطريقة دي
اداها شكل تراجيدي نادر الحدوث

ولد مع بنت
قصة ازلية هنفضل فيها
!!!!!!!
بتسال عيب انها قبلت تقابله
عجيبة
كان اولي تسال عيب انها تكلمه
!!!!!!
ولا العيب انه من ورا اهلها
!!!!!
ولا عشان في الظلااااام
!!!!!!

بيشوه صورتها !!!
بينزل مكانتها ادام الولد
اقدر اقولك لا و مش ببالغ
لانه ببساطة مش بالضرورة تنزل من نظره
لكن اكيد لو رفضت هتعلي في نظره

............
موضوع معقد
ولا انا شايفله حل ولا شكل مريح
و صراع بين اجتماع و عقل و دين

وكله بيبص من منظوره هو

و النهاية مفيش جديد

اقولك حاجة
انا لو مش قلت عيب علي انهم بيتقابلوا
هقول لا عشان في الظلام
هقول لا عشان من ورا اهلها

((ما دام بقينا عايزين نتكلم من منظور اجتماعي و نخرج الدين خارج الموضوع )) تلميح مش تجريح لتعليق قراته

حسن حنفى يقول...

timmy

ده شرف ليا يا بشمهندس :d

حسن حنفى يقول...

timmy

الحمد لله اول رأي يكون زي رأيي

ربنا يعافينا ويهديهم يارب

حسن حنفى يقول...

اختكم في الله

اها فاهم قصد حضرتك

بس هي البنت بتحسب ان ده تأكيد لجمالها وكده

ربنا يهدي الجميع

حسن حنفى يقول...

sabba7

علمنا الامام الشهيد ذلك

ودورنا الان ان نعلمه وننقله للاخرين

جزاكم الله خيرا

حسن حنفى يقول...

د.ابراهيم

اها بس هو بيقلها اما اكبر واكون نفسي

:d

وهي بتصدق علي طول من غير تفكير للاسف

ربنا يهدينا يارب

حسن حنفى يقول...

norahaty

وعليكم السلام ورحمه الله تعالي وبركاته

الله يسلم حضرتك يارب

هقول لحضرتك لو البينت عاوزه حد يعرف شخصيتها وثقافتها .. الخ

مفيش اي مشكله

انا علي فكره مش معترض علي مبدأ ان الكلام نفسه غلط بس موضوع الكلام هو اللي بيخليه صح ولا

يعني البنت لو قابلت الولد ده في اجتماع مثلا مع ناس كتير وهو شافها بتتكلم وعرف فكرها وثقافتها وكل حاجه وراح طلب ايدها عادي

لكن انه يروح يقابلها وهم لسه عيال مثلا له 17 او 18 سنه

علي انهم هيتجوزوا بعدين وبيكلمها انه بيحبها وهيفضل كده كمان 7 سنين وعلشان كده عادي انه يخرج معاها واكيد مش بيخرجوا يعرفوا بعض من الناحيه الثقافيه او كده

وبعدين يسبها بعد بكتير اووي سنه او اتنين وهي سمعتها تكون باظت ده وجه الاعتراض

لكن بالنسبه ليا مش فيه مانع يفضل هو بيكلمها طول السبع سنين دي في موضوعات ثقافيه او ..الخ يعرف بيها فكرها وقفافتها وكل حاجه عنها

وبعد ال7 سنين يتجوزها

حسن حنفى يقول...

بالنسبه لان فيه ناس بتشوف ان الحكايه دي كلها حرام انهم يتكلموا اساسا او انهم يتقابلوا ولو حتي في اجتماع او مؤتمر او ندوه ثقافيه
انا بحترم الرأي ده بس مش بأيده

....

بالنسبه بقي لان فيه ناس بتقول اللي مش بتتكلم مع اولاد او خلافه او مش بتحب ولد تبقي مش مودرن دول ناس مش عندهم دين او اخلاق واكيد حضرتك عارفه النوع ده

حسن حنفى يقول...

عاشقه الاقصي

اها بس بكده هي سمعتها غالبا بتبقي خلاص ضاعت وهو بيكون سلبها حياءها علي الارجح

حسن حنفى يقول...

بنت الاسلام

مش فيه حد اسمه بيحبنا بجد الا لو جه يخطبنا

جزاكم الله خيرا يا فندم

حسن حنفى يقول...

ريمان

اها بس زي ما انتي قلتي

لو فيه نضج وواقعيه وعقلانيه

وده غالبا مش بيتوفر لحد عنده 18 او 17 سنه

جزاكم الله خيرا

حسن حنفى يقول...

hidden

هههههههههههههه

اولا انت مش استنيت اما انا ارجع علشان اكلمك زي ما اتفقنا :d

ثانيا :

اكيد زي مانا قلتلك انت بالذات انا مش بحط حكم علي حد

وعلي العموم انا هكلمك وهنشوف :p

حسن حنفى يقول...

mohaawad8

جزاكم الله خيرا

والف مبروك ليك علي الكليه انت كمان

معاك حق بس هي شافت انها اصابت ذنب اكبر بكون انها قابلته وكمان هي مش قالت هل ده حرام اكتر او ذنب اعظم هي سألت انا كده هقع من نظره ولا لأ

وعلي العموم زي مانت قلت اي حاجه في الظلام دائما نهايتها سيئه

نور الاسلام يقول...

السلام عليكم
موضوع جميل
والفكره اجمل
بس انا عاوزه اعرف رايك انت ممكن
؟؟؟؟؟؟؟؟
جزاك الله خيرا
السلام عليكم
اختك في الله/
نور الاسلام

سندوووسه(سندس وأمل) يقول...

والله من الاساس اصلا ايه الى يخليها

توافق على كده ....

انا بأستغرب جدا يعنى خلاص هو بيحبها

يروح يتقدملها اى حاجه كده ...

انما الطريقه كلها غلط فى غلط....

وع العموم كل الاطراف غلطانه

البنت والولد والاهل ...

بينى وبينك كده:

حصل قدامك ولا معاك:D:D:D:D:D:D


انا بهزر طبعا (اصلا البنت هى الى ممكن تضحك عليك
وتخليك تروح تقابلها:)D:D)

مش تزعل ها...شكلك زعلت...

سندس

حسن حنفى يقول...

نور الاسلام

وعليكم السلام

حمد لله علي السلامه

علي العموم انا رأي هتلاقيه في ردي علي norahaty

جزاكم الله خيرا

حسن حنفى يقول...

سندس

هههههههه

لا حصل جنبي :p

لا قدامي ولا معايا :d

هههههههه

ماشي ممكن برضه

:d

اكيد مش زعلت بس بفكر ازعل

Unknown يقول...

ازيك يا حسن أخبارك ايه فى الأجازة عاش من شافك المهم الموضوع بتاعك جميل وبسيط ولى رأى فيه اعلم ان الفتاة لن تخرج مع الفتى ولن تستمر معه فى علاقه خارج البيت إن لم يسمعها من الكلام ما تحب ولسيما الكلمة التى ذكرتها لأن الفتيات تؤثر فيهم الكلمات الرقيقة ولذلك لطبيعتهن المختلفة عن طبيعة الرجل وقديما قالو ان الرجل يسمع بعقله أما المرأه فتسمع بقلبها وثانيا معذرة لو كان كلامى ثقيلا على البعض ولكن الفتاة التى توافق على الخروج مع شاب على غير علم أحد من اهل الثقة من اهلها لا تستحق إلا لقب غير محترمة بالطبع لأن موضوع خروج البنت مع الولد أصلا إن لم يكن مخالفا للعادات والتقاليد فهو مخالف للشريعة الاسلامية فحتى مجرد النظر حرام فما بالك باكثر من ذلك وأنصح كل فتاة أن تقطع الأمر من أوله ولا تلتفت إلى من يسمعها كلاما معسولا فما أكثر البلغاء وأن تدعو ربها وتصلى خمسها والله الموفق

تقبل مرورى

مصطفى

EMMY BABY يقول...

مش شرط انه يطلب كدة انه مبيحباش ومش شرط علشان وافقت انها مش محترمة

بس الموضوع غلط والبنت لازم متوافقشى اصلا ولو هو محترم ميطلبشى اصلا

ولو ده حصل يبقى لازم الطرفين يقتنعوا انهم عملوا حاجة غلط وميكررهوش تانى

ومينفعشى يكون الرد ان دى عدم ثقة او قلة حب لان ده الصح اصلا حتى لو هو متعب

وهى لو وافقت تتنازل مرة ومشيت ورا عاطفتها ممكن تتنازل عن حاجات تانية كتير بعد كدة وهو هيتعود على التنازل ده

تحياتى

ايمى

حسن حنفى يقول...

مصطفي

معاك حق ابلغ رد هو في الموضوع الجديد بتاعك

لاعزاء للمخدوعين :d

حسن حنفى يقول...

emmy baby

زي ما قلتي لو وافقت مره هتبدأ سلسله التنازلات

alaa tohamy يقول...

hey.... ana 3agbny 2l mawdo3 2wy bas 2na men waght nazary 2n mawdo3 l so7bya dah mawdo3 fashal 2a5er 7aga ::3ashan 2l wald kada kada mesh haytgoz wa7da kan msa7bha howa 2ash damano hya sa7bt kam wa7d 2bleh??? wi kaman 2na mesh hat7gg bal walad bas bgd fi banat 2l youmen dol bg7en 25er 7aga wi homa 2l by3kso 2l walad bas bardo 2l walad byst3álo 2l bant wi mesh kolohm fi wlad mo7trma gedan bas howa modo3 fakra 3ama 2t5dat 3an l walad

kAn _ 7Lm يقول...

`اولا ان الحب مش عيب ولا حرام
ولكن " من ترك شيئا لله عوضه الله خيرا منه "
يعنى لو هما الاتنين خلاص عرفوا انهم بيحبوا بعض ممكن يقدروا ع نفسهم وما يكلموش بعض ولا يتقابلوا ويسيبوها لله وربنا يعوض عليهم ان شاء الله اما بأن يكونوا لبعض لو صادقين او يعوض كل واحد فيهم بواحد احسن من التانى وانا من رايى ان الحب بعد الجواز اسمى معانى الحب لكن الانسان هو اللى يقدر يعيش نفسه قصه حب مع زوجه وفعلا انا شفت بنفسى قصه اتنين حبوا بعض وتركوا بعض لله وفعلا ربنا عوض لهم وتزوجوا ومعهم ولد وبنت دى الوقت وعايشين منتهى الحب والسعادةلانهم بردة بيرضوا ربنا ف بعض
والسلامووو عليكووو

تقبل مرورى

Maha Shahen يقول...

أعتقد مفيش فايده للمقابله علشان تروح لأنه حتى لو بيحبها بيبقى غرضه يقابلها علشان يشوفها علشان يقرر يتقدم ليها مش بس يشوفها علشان حابب يشوفها
وبعدين مش عارفه بصراحه بين اه ولا عماله افكر لكن فى النهايه كتير منا بيقع فى فخ وبينتهى بتدمير حياته بسبب النت ومخاطر النت والمقابلات لأشخاص غرب بدعوه انهم بيحبوه
اعتقد انها هتتوقف علي الشخص ومعرفته بلى بيكلمه وقدرته علي اكتشاف حقيقة الناس اللي بيكلمهم لو خبرته قليله يبقى الاحسن ترفض عرضه ومتروحش ولو اه وهو انسان صادق فعلا تجرب لكن طبعا بعلم حد من أهلها وفى مكان معروف ولغرض واضح مش بس كلام وأوهام
وربنا يحفظ بنات وشباب المسلمين
وتحياتى ليك علي طرح الموضوع

hasona يقول...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهمها علي النحو الصحيح
ورطب ألسنتنا بذكرك يا الله

عايز أقول اننا في أيام مباركة ويجب استثمارها في الخير والتقرب من الله

TIMMY !! يقول...

كل سنة و انت طيب يا حسن ,

و إن شاء الله السنة الجاية أو اللي بعدها تبقى باشمهندس قد الدنيا ,

كل عام أنت بخير

حسن حنفى يقول...

علاء

اها معاك حق فيه بنات عاوزين ضرب النار من بجاحتهم :)

وهو اكيد برضه الولد حتي لو البنت كده يقدر يبعد عن اي حاجه

جزاكم الله خيرا

حسن حنفى يقول...

kan____7lm

اكيد الحب كش عيب ولا حرام

واكيد اللي يراعي ربنا ربنا بيعوضه باحسن من اللي كان بيتمناه

جزاكم الله خيرا

حسن حنفى يقول...

nour shahen

ربنا يحفظ بنات وشباب المسليمين :)

جزاكم الله خيرا

حسن حنفى يقول...

Hasona

وانت بخير :)

حسن حنفى يقول...

timmy

وانت طيب وبخير يارب

رحـيقٌ مخـتُوم ~ تسنيم / يقول...

اولا
~ سروري بالمرور عن موضوع كهذا
وبعد زيارة بعيدة عن مدونتكم

لم اقرأ الردود جميعها لكنني جتما اوافق مع "تيمي" و "اختكم في الله"

هو دمجٌ :-

عن الشاب : الولد ده مش بيحبها ,
لأنه لو كان بيحبها ما كانش يرضى لها الضرر و لا إنها تعمل حاجة هي خايفة منها ,

عن البنت : ان البنت اصلا لو ملتزمة مش حيبقى فيه مجال اصلا انها تتكلم مع ولد ويعرض عليها فكرة الخروج دى

هذا هو ايضا رأيي بالواقع

تحيّاتي !

بنت القسام يقول...

بسم الله
السلام عليكم ورحمه الله
كيفك ياابو علي عامل ايه ؟؟
وحشتني كتاباتك والله وكآبتك بالمره
هههههههه
يارب تكون بخير
ونو كومنت على البوست انت لسه صغيور ياحسن سيبك انت
أختكـ جيلي